«Огонь жизни» Бүтүн Арассыыйатааҕы эстафетаҕа байыаннай дьайыы бэтэрээнэ кытынна

«Огонь жизни» диэн Бүтүн Арассыыйатааҕы эстафетаҕа байыаннай дьайыы бэтэрээнэ Игорь Марсунов кытынна.

Тэрээһиҥҥэ былаас бэрэстэбиитэллэрэ, спортсменнар, волонтердар уонна Саха сирин уопсастыбаннай диэйэтэллэрэ кыттыыны ыллылар. Аахсыйа мэйии уҥуоҕун донордааһына суолталааҕын, дойдуга элбэх киһи билэригэр туһуланар. Эстафетаны дойду ФМБА-та, «Огонь жизни» социальнай көҕүлээһин пуондата уонна БФ «Импакт» тэрийбит.

Байыаннай дьайыы бэтэрээнэ Игорь Марсунов бу туһунан санаатын үллэһиннэ:

-Тэрээһиҥҥэ кытын диэн эппиттэригэр, мин тута сөбүлэспитим. Миэхэ, бааһырыыны, чөлгө түһүүнү ааспыт киһиэхэ, атын дьоҥҥо көмөлөһүү — сулууспабын салҕааһын кэриэтэ буолар. Мин билигин олох туһугар туруулаһар дьону өйүүр кыахтаахпын.

Игорь Марсунов    Степанида Артахинова маастар-кылааһыгар сылдьан баран, оҕунан ытыынан  дьарыктанар буолбута.