Сайыҥҥы лааҕыр. СИА хаартыската
Бэҕэһээ сайынын оҕону сынньатыы уонна доруобуйатын бөҕөргөтүүнү тэрийии боппуруостарынан өрөспүүбүлүкэтээҕи биэдэмэстибэлэр икки ардыларынааҕы бастакы мунньах буолан ааспыт. Мунньаҕы үөрэх уонна билим миниистирэ Нюргуна Соколова ыыппыт.
Миниистир бэлиэтээбитинэн, 2025 сыллааҕы сайыҥҥы доруобуйаны чэбдигирдэр хампаанньа саҕаламмыт. Быйыл сайыҥҥы лааҕырдарга оҕолору сурутуу информационнай систиэмэтин саҥардыбыттар, бэрэбиэркэлээн көрбүттэр.
Нюргуна Афанасьевна сайыҥҥы сынньалаҥ бу сынньалаҥ уонна чэбдигирдии эрэ буолбатаҕын, үлэ эмиэ буоларын туһунан болҕомтону туһаайбыт. Тустаах боппуруоска өрөспүүбүлүкэтээҕи үлэ уонна социальнай сайдыы министиэристибэтин уонна нэһилиэнньэ дьарыктаах буолуутун судаарыстыбаннай кэмитиэтин өйөбүлүн бэлиэтээбит итиэннэ быйыл эмиэ ити курдук көхтөөхтүк үлэлииргэ ыҥырбыт.
Сайыҥҥы лааҕыр кэмигэр бэлэмнэнии хаамыытын туһунан “Бэс Чагда” оҕону сынньатар уонна доруобуйатын бөҕөргөтөр киин дириэктэрэ Варвара Альбертовна Васильева иһитиннэрбит. Бэлэмнэнии былаан быһыытынан баран иһэрин эппит. “Бэс Чагда” оҕо сынньанар, доруобуйатын бөҕөргөтөр киинигэр сурутуу муус устар 15 күнүттэн саҕаланар. Тэрийээччилэргэ боруобалаан сурутуу ыам ыйын 1 күнүттэн, оттон нэһилиэнньэҕэ судаарыстыбаннай өҥө порталыгар тус кэбиниэтинэн ыам ыйын 15 күнүттэн аһыллыаҕа.
Быйыл үөрэх уонна билим, үлэ уонна социальнай сайдыы, успуорт уонна физическэй култуура министиэристибэлэрин өрөспүүбүлүкэтээҕи баазаларыгар сайын 3171 оҕо сынньаныаҕа. Күн бүгүн тэрилтэлэри оҕо сынньалаҥын уонна доруобуйатын бөҕөргөтүүнү тэрийээччилэр испииһэктэригэр киллэрии үлэтэ барар. Ураты болҕомто анал байыаннай дьайыы кыттыылаахтарын оҕолоругар ууруллар. Итини тэҥэ, өрөспүүбүлүкэ таһыгар Приморскай кыраай оҕону чэбдигирдэр лааҕырдарыгар сынньатар былааннанар уонна ВДЦ «Океан», ВДЦ «Орленок», ВДЦ «Смена», МДЦ «Артек» федеральнай кииннэри кытта 524 путевкаҕа сөбүлэҥ түһэрсиллибит. Бу туһунан үөрэх уонна билим министиэристибэтин пресс-сулууспата сырдатар. Сиһилии манна ааҕыҥ.
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…