Хаартыска: Дьокуускайдааҕы үүт собуота.
Дьокуускайдааҕы үүт собуота оҕолорун эмиийдэтэр уонна хат дьахталларга анал үүтү оҥорон таһаарбыта. Кулун тутар 12 күнүттэн собуот доруобуйа харыстабылын министиэристибэтин кытта киин куоракка олорор, оҕону эмиийдэтэр уонна хат дьахталларга бу анал үүтү босхо биэрэр буолбуттара.
Оҕону эмтэрэр уонна хат дьахталларга анаммыт үүт «Молочный дождик» табаарынай бэлиэнэн тахсар. Бу үүт уратыта диэн, А, D3, Е, К, В1, В2, В6, С, В12 битэмииннэринэн байытыллыбыт, ниацин, фолиевай уонна пантотеновай кислота, биотин диэн бэссэстибэлэрдээх. Онон оҕо уонна ийэ доруобуйаларыгар олус туһалаах ас буолар.
Үүт собуотун үлэһиттэрэ бу анал үүтү оҥороллоругар ордук болҕомтолоохтук сыһыаннаһан, Арассыыйа оҥорон таһаарааччыларын талыллыбыт бородуукталарын туһаналлар, хаачыстыбатын күүскэ хонтуруоллууллар. Үүт аһы оҥорон таһаарыы эйгэтигэр өр сылларга үлэлээбит, уопуттаах исписэлиистэр толкуйдаан, оҥорон таһаарбыттар.
Бу үүт тас хаҕар оҕотун көтөхпүт ийэ ойууламмыт, онон харахха тута быраҕыллар. Маҕаһыыннарга эмиэ атыыланар эрээри, сыаната арыый үрдүк буолар.
Биир дьахтарга ыйга үс лиитирэни босхо биэрэллэр. Бу көмөнү ыларга бастаан поликлиникаҕа бараҕыт, онтон ыспыраапканы туппутунан, үүт собуотун пуунугар тиийэҕит.
Пуун аадырыһа: Дзержинскэй уул., 42, 2-с куорпус. Сарсыарда 9 чаастан күнүс 4 чааска диэри үлэлииллэр, күнүс 12-тэн 1 чааска диэри тохтобуллаах.
Сунтаар улууһун Тойбохой с. фермердэрэ Алексей Сидоров уонна Александр Егоров Тыа хаһаайыстыбатын министиэристибэтин өйөбүлүнэн 500…
Күн уота аҕыйыыр, күн кылгыыр, кириип, сыстыганнаах вирус ыарыытын ахсаана элбиир – кыһын киһиэхэ санаа…
Гектары бас билэллэринэн эрэ муҥурдаммакка, манна биисинэстэрин саҕалаан эрэр дьон элбээтэр элбээн иһэллэр. Нам улууһугар…
Быйыл атырдьах ыйыгар Дьокуускай куоракка СӨ Суруйааччыларын сойууһун чилиэнэ, А.М.Горькай аатынан литература институтун устудьуона Любовь…
Саха сиригэр элбэх кыбартыыралаах дьиэлэр уопсай чаттара МАХ национальнай мессенджергэ көһөн эрэллэр. Хайыы-үйэ 3000-тан тахса…
Дьиэни эбэтэр кыбартыыраны өрөмүөн кэнниттэн дьиҥнээх оранжереяҕа кубулутан, хойуу сибэккилээх үүнээйинэн киэргэтэр кыах идэтийбит флористарга…