Оҕону халаабыт киһи тутулунна

Сэтинньи 18 күнүгэр Дьокуускайга Кузьмин уул. олорор дьахтар полицияҕа оскуола үөрэнээччитин эр киһи халаабытын туһунан тыллаабыт.

Кини оскуолаттан кэлэн иһэр сокуоннай сааһын туола илик балтын эр киһи халаабыт уонна суотабай төлөпүөнүн былдьаабыт.

14 саастаах кыысчаан дьиэтигэр чугаһаабытын кэннэ бу киһи охторон түһэрбит уонна суотабайын ылаат, саспыт. Бу туһунан иһитиннэрии полиция бары сулууспаларыгар бэриллибит. ППС үлэһитэрэ тута ирдээһиннэринэн, 50 саастаах олохтоох эр киһи тутуллубут.

СӨ ИДьМ пресс-сулууспата