Оҕону иитэ ыллахха, босуобуйа бэриллэр

Оҕону иитэ ыллахха, биирдэ бэриллэр босуобуйаны биэрэллэр. Бу туһунан сиһилии Социальнай пуонда Саха сиринээҕи салаата иһитиннэрэр.

Бу оҕону иитэ ылбыт дьоҥҥо, эпэкииннэргэ, попечителлэргэ судаарыстыба көмөтө буолар. Төлөбүр кээмэйэ — 37 718 солкуобайтан 53 883 солкуобайга диэри (оройуон коэффициеныттан көрөн).

Инбэлиит оҕону, эбэтэр, 7-тэн үөһэ саастаах оҕону, бииргэ төрөөбүт оҕолору иитэ ыллахха, төлөбүр кээмэйэ үрдүүр: 288 199 солкуобайтан 411 713 солкуобайга диэри (оройуон коэффициеныттан көрөн).

Дьиэ кэргэн хас да оҕону иитэ ылбыт буоллаҕына, хас биирдиилэригэр бэриллэр.

Биирдэ бэриллэр босуобуйаны ыларга сайабылыанньаны Социальнай пуонда салаатыгар тиийэн, эбэтэр, Элбэх өҥөнү оҥорор киин, «Госуслуги» портал нөҥүө биэриэххэ сөп. Сайабылыанньаны оҕону иитэ ылыы кэннэ 6 ый ааһа илигинэ бэриллэр.