Николай Егорович Мординов-Амма Аччыгыйын аатынан Харбалаахтааҕы үөрэхтээһин холбоһугар Олоҥхоҕо аналлаах олус интэриэһинэй, туһалаах дьоро күн буолла.
Оҕону ускуустуба араас көрүҥэр уһуйар оскуола учуутала Варвара Алексеевна Парфенова уонна иккис кылаас учуутала Татьяна Семеновна Севастьянова улуустааҕы кыттыгас сэминээр ыыттылар. Сэминээр тиэмэтэ — «Оҕону олоҥхону толорууга уһуйуу». Сэминээри Варвара Алексеевна аал уоту оттон, аһатан, алгыс тылы амалыйан саҕалаата. Онтон 2 кылаастарга учууталлара Татьяна Семеновна Севастьянова, уһуйааччы Варвара Алексеевна Парфенова «Олоҥхо үс дойдута» аһаҕас дьарыгы ыыттылар.
Оҕолор дьарыкка олус бэркэ кытыннылар, олоҥхоттон быһа тардан толордулар.
Нэһилиэк киэн туттар олоҥхоһут ыаллара Мария Степановна, Иван Иванович Слепцовтар ыҥырыылаах ыалдьыттар буолан, олоҥхо үс дойдутун ырыатын Варвара Алексеевналыын толороннор, дьарыгы дириҥ ис хоһоонноотулар. Салгыы Варвара Алексеевна учууталларга «Сахалыы тыыныы кистэлэҥэ» диэн маастар-кылаас ыытта. Ыҥырыылаах ыалдьыппыт Иван Иванович Слепцов бэйэтин олоҥхотун биир чаас устата толорбутун бары тыыммакка да, сэргээн иһиттибит. Олус үчүгэй олоҥхону истэн, оҕолор сэргэхсийдилэр.
Иитэр үлэ саабыһа Варианна Васильевна Макарова сэминээри тэрийээччилэргэ, дириҥ ис хоһооннообут Слепцовтар дьиэ кэргэҥҥэ махтанна. Аал-луук маспыт тула оһуохайдаан түмүктээтибит. Өссө да итинник тэрээһиннэр буола турдуннар, кэлэ сылдьыбыт ыалдьыттарбытыгар Мария Степановна уонна Иван Иванович Слепцовтарга, сэминээри тэрийбит уһуйааччыларга үөрэнээччилэр ааттарыттан барҕа махталбытын тиэрдэбит!
Наташа НИКИФОРОВА, Таатта, Харбалаах
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…