Хаартыска: СИА.
Саха сиригэр оҕолору Судаарыстабыннай өҥө порталын нөҥүө сайыҥҥы чэбдигирдэр лааҕырдарга суруйтарыы саҕаланна. Өрөспүүбүлүкэ 560 лааҕырыгар 57 тыһ. тахса оҕо сынньаныаҕа. Хас биирдии улууска оҕо лааҕырын араас көрүҥэ, хайысхата үлэлиэҕэ. Манна Судаарыстыбаннай өҥө порталын нөҥүө эбэтэр төрөппүт тус бэйэтэ сайабылыанньатын туппутунан баран суруйтарыан сөп.
Быйыл сайын сынньалаҥ, чэбдигирдии уонна дьарыктаах буолуу көрүҥүнэн 77 тыһ. тахса үөрэнээччини хабыахтара, бу оскуола саастаах оҕо уопсай ахсааныттан 50% буолар.
Быйылгы сыл сүрүн саҥаны киллэриитинэн оҕону сынньатар уонна доруобуйатын чэбдигирдэр сайыҥҥы сынньалаҥ өҥөтүн оҥорор тэрилтэлэр булгуччу саайтаах, ону тэҥэ, сайыҥҥы кэмҥэ Судаарыстыбаннай өҥө порталынан сайабылыанньаны биэрии баар буолуохтаах. Сайыҥҥы сынньалаҥ эйгэтигэр иитэр үлэ федеральнай бырагыраамата уонна оҕону сайыҥҥы сынньатыы, чэбдигирдии эрэгийиэннээҕи Кэнсиэпсийэтэ бигэргэммиттэрэ.
Туһааннаах тиэмэнэн ыйытыылаах дьон “Бэс Чагда” киин – оҕо сайыҥҥы сынньалаҥын өрөспүүбүлүкэтээҕи ресурснай киинигэр 8 (800) 550–14–21 төлөпүөннүөххүтүн сөп.
Былырыын Саха сирэ РФ Үөрэҕириитин министиэристибэтин “Оҕону, ыччаты үөрэтиигэ, сынньатыыга уонна чэбдигирдиигэ аналлаах усулуобуйаны тэрийии” федеральнай бырайыагын иитинэн ыытыллар куонкуруһугар үс төгүл бастаабыта. Онон 2027 сылга өрөспүүбүлүкэҕэ оҕо сынньалаҥын 700 саҥа миэстэтин хааччыйар 14 модульнай куорпус тутуллара былааннанар.
Бу туһунан Ил Дархан уонна Бырабыыталыстыба пресс-сулууспата суруйар.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…