Хаартыска: уопсастыбаннай балаата телеграм-ханаала
Биллэрин курдук, Арассыыйаҕа саҥа кэлиэхтээх оҕону түһэртэрии сокуонунан көҥүллэнэрэ уонна мэдиссиинэ булгуччулаах страховкатын тиһигэр киирэрэ. Бу оҕолонуохтаах дьахтар бэйэтин баҕатынан, эбэтэр социальнай балаһыанньатынан, эбэтэр мэдиссиинэ тэрилтэтин көрдөрүүтүнэн буолар.
Саха сиригэр 2025 сылга 7 тыһыынчаттан тахса дьахтар төрүөхтээх оҕотун түһэртэрбитэ.
Оҕону түһэртэрии социальнай боппуруостартан биир сытыыларынан буолла. Ол да иһин, Доруобуйа харыстабылын министиэристибэтин үлэһиттэрэ, уопсастыбанньытар, гинеколог-былаастар, судаарыстыбаннай уонна чааһынай килииникэлэр бэрэстэбиитэллэрэ Уопсастыбаннай балаатаҕа мустан, бу сытыы боппуруоһу дьүүллэстилэр.
“Оҕону түһэртэрии биэдэмэстибэлэр икки ардыларынааҕы мэдиссиинискэй-социальнай кыһалҕа: туох оҥоһулларый уонна тугу быһаарыахтаахпытый?” диэн киэҥ ыҥырыылаах мунньахха иһитиннэрбиттэринэн, билигин төрүөхтээх дьахтары оҕотун түһэртэрэригэр күһэйиини тохтотор туһунан сокуоннар Арассыыйа 30 эрэгийиэнигэр ылылыннылар.
Саха Өрөспүүбүлүкэтин Судаарыстыбаннай Мунньаҕын (Ил Түмэн) дьокутааттара 2025 сыл ахсынньы 23 күнүгэр оҕону түһэртэриигэ күһэйиини бобор туһунан сокуон барылын бүтэһик ааҕыыга ылыммыттара. Дьахтар оҕотун түһэртэрэргэ быһаарынарыгар араас төрүөт баар. Ол иһигэр, ийэ үлэтэ суох хаалартан куттанар, эбэтэр үлэни биэрээччи үлэттэн ууратыам диэн куттуур, эбэтэр доруобуйа туруга күһэйэр уо.д.а. Онуоха сокуон ийэ буолуохтаах дьахтары күһэйииттэн харыстыахтаах.
Киэҥ ыҥырыылаах мунньах кыттыылаахтара биир санааҕа – оҕо күүтэр дьахтарга бары өттүттэн өйөбүл баар буолуохтаах диэн санааҕа кэллилэр.
СӨ Доруобуйа харыстабылын миниистирин солбуйааччы Татьяна Павлова:
“2025 сылга ыытыллыбыт үлэ түмүгүнэн, оҕолонуохтаах дьахталлар 16 бырыһыаннара, ол эбэтэр 300-тэн тахса дьахтар төрүөхтээх оҕотун хаалларарга сөбүлэспитэ.
Ийэ оҕотун илдьэ хааларыгар туһуланар бэлиитикэ, хомойуох иһин, мэдиссиинэ чааһынай тэрилтэлэригэр ыытыллыбат. СӨ Доруобуйа харыстабылын министиэристибэтэ чааһынай килииникэлэр оҕону түһэрэр процедураларга көҥүллэрин тохтоторго этии киллэрдэ.
Светлана Давыдова, СӨ Судаарыстыбаннай Мунньаҕын (Ил Түмэн) доруобуйа харыстабылыгар бастайааннай кэмитиэтин бэрэссэдээтэлэ:
“Оҕону түһэртэриигэ күһэйиини” бопсор сокуону оҕону түһэртэриини букатыннаахтык бобуу курдук көрөр сыыһа. Олох бобон кэбиһии уопсастыба настарыанньатыгар куһаҕаннык дьайыан сөбүн өйдүүбүн».
Светлана Давыдова быһаарбытын курдук, оҕону түһэртэриини эрдэттэн сэрэтии – ыал инники олоҕун сөптөөхтүк торумнааһын уонна контрацептивтары туһаныы.
Олунньу 17 күнүгэр күүтүллэр Күн өлүүтэ Арассыыйа сиригэр-уотугар көстүө суоҕа. Бу туһунан Москватааҕы планетарий пресс-сулууспата…
Ытык Күөлгэ Норуот айымньытын дьиэтигэр улуустааҕы төрөппүттэр түмсүүлэрин тэрийиитинэн "Родные-Любимые" пуорум ыытылынна. Бу пуорум биһиги…
Бүлүү улууһун борокуратуурата 85 саастаах дьахтар кыыһын сайабылыанньатынан аҕам саастаах олорор дьиэҕэ бырааба тутуһуллуутун бэрэбиэркэлээтэ.…
Арассыыйаҕа былырыын иккис ырыынакка кытай массыыналарын атыыта икки төгүл үрдээбитэ бэлиэтэммитэ. Итиниэхэ ордук 2021-2025 сыллардааҕы…
Дьокуускай куорат борокуратуурата 1997 с.т. олохтоох киһиэхэ сыһыаннаах холуобунай дьыалаҕа буруйдуур түмүгү бигэргэттэ диэн Саха…
Бу күннэргэ Хаҥалас уонна Абый улуустарын дэлэгээссийэлэрэ байыаннай дьайыы зонатыгар үлэлииллэр. Донецкай Норуодунай Өрөспүүбүлүкэҕэ Саха…