Оҕону түҥнэри көппүт дьахтартан 800 тыһ.солк. ирдэннэ

Суут апелляционнай инстанциятыгар саахал түмүгэр эмсэҕэлээбит оҕо ийэтэ сайабылыанньа суруйбут. Бу туһунан Саха сиринээҕи Суут бириистэптэрин федеральнай сулууспа управлениетын пресс-сулууспата иһитиннэрэр.

Суут быһаарыытынан, сокуоннай сааһын ситэ илик оҕо көҥүлэ суох сиринэн суолу туораан испитэ быһаарыллыбыт. Ол кэмҥэ уруулга олорор суоппар дьахтар саахал тахсартан сатаан куотумматах.

Саахал түмүгэр оҕо доруобуйатыгар улахан эчэйиини ылбыт уонна толору олоҕунан олорор кыаҕа суох буолбут. Бастакы инстанциянан суут 40 саастаах суоппар дьахтары эмсэҕэлээбит оҕо аатыгар 75 тыһыынча солкуобайы төлүүргэ быһаарбыт. Апелляционнай инстанция суута толуйуу кээмэйин уларытта уонна 800 тыһыынча солкуобайы көрдүүргэ уураах таһаарда. Харчыны ирдиир туһунан сурук суут бириистэптэрин сулууспатыгар киирбит уонна буруйдаах дьахтар хамнаһыттан толуйуу суумата толору ирдэммит.