Оҕону түҥнэри көттүлэр, 5,7 мөл. солк. харчыны уордардылар

Ааспыт сууккаҕа өрөспүүбүлүкэҕэ 5 буруйу оҥоруу түгэнэ бэлиэтэннэ.

Дьокуускай куоракка эр киһини өлөрдүлэр, уорбаланааччы тутулунна. Киин куорат биир олохтооҕо дьахтар түөкүттэргэ 5,7 мөл. солк. тахса харчытын уордарбытын туһунан иһитиннэрии киирдэ. Ону таһынан Дьокуускай куоракка массыынаны күрэттилэр. Итини таһынан Дьокуускайга уонна Нерюнгрига наркотигы сокуоннайа суох эргитиигэ сыһыаннаах икки буруйу оҥоруу тахсыбыта бэлиэтэннэ.

Бу туһунан СӨ Өрөспүүбүлүкэтин Борокуратуурата иһитиннэрэр.

Дьокуускай куорат Дзержинскэй аатынан уулуссатыгар турар дьиэҕэ тахсыбыт баһаарга 1949 с.т. киһи өлүгэ көһүннэ.

Дьокуускай куоракка Курашов аатынан уулусса элбэх кыбартыыралаах дьиэтин таһыгар «Ниссан Тиана» массыына суоппара 2019 с.т. оҕону түҥнэри көтөн, оҕо эт-хаан эчэйиитин ылан балыыһаҕа киирдэ.