Хаартыска: PxHere
2024 сыл ыам ыйын 26 күнүгэр Нам сэлиэнньэтигэр тэлгэһэҕэ оонньуу сылдьан, сэттэ саастаах оҕо биэс саастаах оҕо таҥаһын уоттаабыта. Бу быһылаан түмүгэр биэс саастаах оҕо этин-сиинин 25 бырыһыанын уокка сиэтэн, ожоговай салааҕа балыыһаҕа киирбитэ. Эмсэҕэлээччи сокуоннай бэрэстэбиитэлэ оройуоннааҕы борокуратуураҕа моральнай толуйууну төнүннэрэр туһунан сууттаһарга көрдөспүтэ диэн СӨ сууттарын пресс-сулууспатын телеграм-ханаалыгар суруйаллар.
Суут быһаарбытынан, оҕо былаһааккатыгар оонньуу сылдьыбыт оҕо доруобуйата суукка эппиэттээччилэр оҕолоро кыттыылаах оонньуу түмүгэр улаханнык айгыраабыт. Суут кэмигэр эппиэттээччилэр — эчэйиини оҥорбут оҕо төрөппүттэрэ сорох ирдэбилгэ билинэн туран, толуйуу кээмэйин аччатарга көрдөспүттэр. Быһаарыллыбытынан, төрөппүттэр арахсыбыттар, ыал ийэтэ үлэлээбэт, үс оҕону иитэр эбит. Оттон аҕалара быстах кэмҥэ үлэлиир. Кини этэринэн, интэриниэт ситимигэр быһылаан туһунан тарҕанан, моральнай эчэйиини ылбыттар.
Суут кыра саастаах оҕону иитиигэ төрөппүттэр эбээһинэстэрин ситэ толорботохторун түмүгэр атын оҕо доруобуйата эчэйбитин бэлиэтээбит. Оҕо толору эмтэнэригэр уһун кэмнээх реабилитация кууруһун ааһыан наада. Кини доруобуйатын туруга көҥүллээбэт буолан, уһуйааҥҥа сылдьыбат. Этэ-сиинэ ыалдьарын таһынан, оҕо эрэйдэнэр.
2024 сыл ахсынньы 4 күнүгэр Нам оройуоннааҕы суута эппиэттээччилэртэн моральнай толуйуу суотугар 3 мөл. солк. уонна олохтоох бүддьүөккэ 3 тыһ. солк. кээмэйдээх госпошлинаны төлүүргэ ирдээбит.
Суут быһаарыныытын бастакы инстанциятын кытта эппиэттээччилэр сөпсөспөтөхтөр, ааһына сатаабыттар.
СӨ Үрдүкү суута дьыала матырыйаалларын көрөн баран, эппиэттээччилэр апелляционнай үҥсүүлэрин оннунан хаалларбыт. Суут быһаарыныыта сокуоннай күүһүгэр киирбит.
Саха сирин Үлэҕэ уонна социальнай сайдыыга министиэристибэтин чэрчитинэн, 2025 сылга байыаннай дьайыы кыттыылаахтарын 889 төрөппүтэ…
Ис дьыала министиэристибэтин 4 №-дээх управлениетын полицияҕа отделын дьуһуурунай чааһыгар өттүгэр быһах баастаах киһи киирбитин…
Олунньу 12 - 14 күннэригэр СӨ бырабыыталыстыбатын бэрэссэдээтэлин солбуйааччы Анатолий Семенов салайааччылаах министиэристибэлэр, биэдэмистибэлэр бэрэстэбиитэллэрэ…
Судаарыстыбаннай демографическай уонна дьиэ кэргэн бэлиитикэтин олоххо киллэрэр Сэбиэт мунньаҕын түмүгүнэн, Владимир Путин муус устар…
Бу күннэргэ Саха сирин киин куоратыгар Дьокуускайга аан бастаан художественнай гимнастикаҕа Уһук Илиҥҥи федеральнай уокурукка…
Москва уобалаһын Красногорской балыыһатыгар 46 саастаах дьахтар хабаҕыттан косметикаҕа туттуллар харандааһы хостообуттарын туһунан Москва уобалаһын…