Татьяна Павлова хаартыскаҕа түһэриитэ
Сахабыт сирин агрооскуолалара сылын ахсын оҕуруот аһын арааһын олордоллор, оскуолаларын дьэрэкээн сибэккинэн симииллэр.
Олортон биирдэстэринэн В.Д.Лонгинов аатынан Атамай агрооскуолата буолар. Саҥа оскуолаҕа оҕолор сибэкки арааһын олордоллор. Манна оҕолор толкуйдаан, тупсаран, киэргэтэн олордубут ландшафтнай дизайннаах аллеялара, Арассыыйа былааҕын көрдөрөр үс араас өҥнөөх сибэккилээх стеллаж, хонууга турар тугуттар, ойуоккаласпыт куобахтар, кашпоҕа үүммүт дьэрэкээн петуниялар көмүс күһүҥҥэ тиийэ үүнэн киэркэйэллэр. Онон саҥа үөрэх дьылыгар үөрэнээччилэр, учууталлар, төрөппүттэр сайыны быһа симээбит, көмүс күһүн бэлиэ күнүгэр оскуолаларын киэргэтэн турар үүнээйилэри сөҕө-хайгыы көрөллөр, киэн тутталлар. Дьэ, маны барытын оҕолор хайдах көрөн-истэн, бүөбэйдээн үүннэрэллэрий?
Ол курдук, сайын устата үс сезонунан үлэ лааҕыра бэрт сэргэхтик, өрө көтөҕүллүүлээхтик үлэлиир. Манна сылдьыан баҕалаахтар эрдэттэн суруттараллар. Итиэннэ олордубут сибэккилэрин лааҕырдарыгар сайын устата бүөбэйдииллэр, ыраастыыллар, эбии аһаталлар, көрөллөр-харайаллар. Итинэн кинилэр кэрэҕэ сысталлар, айылҕаны, тулалыыр эйгэни харыстыы үөрэнэллэр.
Онтон биһиги, нэһилиэк олохтоохторо уонна ыалдьыттара, маннык кэрэ көстүүттэн үөрэбит, хаартыскаҕа түһэбит, түһэрэбит. Дьоҥҥо-сэргэҕэ киэн тутта кэпсиибит.
Валентина Яковлева,
Бэс Күөлэ, Горнай.
Хаартыскаларга Татьяна Павлова түһэриитэ
Бырагыраама кыттыылаахтара гектар сири ыларга ордук наадыйар эрэгийиэннэринэн Саха Өрөспүүбүлүкэтэ, Приморье кыраайа уонна Сахалин уобалаһа…
Бүгүн киин куоракка 13:40 чааска С. Данилов уулуссатын 14 нүөмэрин аттыгар улахан хомунаалынай саахал таҕыста…
Дьокуускай куорат суута ньиэби хостооһунунан дьарыктанар хааччахтаммыт эппиэтинэстээх уопсастыбаҕа сыһыаннаах, РФ административнай быраабы кэһии туһунан…
Бүк сабыллар саахымат дуоската хаһан айыллыбытый? Билигин оонньуурга туттуллар чаһы хаһан баар буолбутуй? Саахымат үөскээбит…
Ааспыт өрөбүллэргэ Дьокуускай сиригэр-уотугар суол-тырааныспар 12 быһылаана бэлиэтэммит. Икки киһи эчэйбит. Сэтинньи 29 күнүгэр сарсыарда…
Ахсынньы номнуо үүннэ, ону кытта Саха сирин суон сураҕырбыт тымныылара сатыылаан эрэллэр. Дьокуускай куорат үөрэҕин…