СИА. Мария Васильева хаартыската
Уһук Илин уокурукка үс сыл иһигэр элбэх оҕолоох ыал ахсаана 24 тыһыынчанан элбээн 156 817 тиийбит.
Бу туһунан Благовещенскайга буола турар «Уһук Илиҥҥэ уонна Арктикаҕа демография сайдыыта» диэн VIII Арассыыйатааҕы кэмпириэнсийэҕэ холобурдаатылар. Ол курдук, оҕо төрөөһүнүн уонна элбэх оҕолоох ыаллары өйүүр сиэссийэҕэ Уһук Илин уокурук социальнай сайдыытын дэпэртээмэнин салайааччыта Григорий Смоляк бэлиэтээбитинэн, Уһук Илин уокурукка оҕо төрөөһүнүн ахсаана сыл аайы эбиллэ турарын бэлиэтээтэ.
— 2022 сыл бүтэһигэр үс уонна онтон элбэх оҕолоох 156 817 дьиэ кэргэн баара бэлиэтэммитэ. Бу сыыппара хараҕынан 2019 сылы кытта тэҥнээтэххэ, 23 954 ыалынан элбэх, — диэн санаатын үллэһиннэ Григорий Смоляков. Росстат иһитиннэрбитинэн, Уһук Илин Арассыыйаҕа элбэх оҕолоох эригийиэнинэн биллэр. Үөрүөхпүт иннигэр, элбэх оҕо төрөөн, соторутааҕыта Саха сиригэр Мииринэй кыысчаана мөлүйүөн ахсааны бэлэхтээбитэ.
Григорий Смоляк бэлиэтээбитинэн, РФ бырабыыталыстыбата дьиэ кэргэттэргэ үгүс өйөбүлү оҥорор. Ол курдук, 2019 сыллаахха өйөбүл «Демографическай бакыата» оҥоһуллубута. Бу докумуоҥҥа олоҕуран, 2023 сыл тохсунньу 1 күнүттэн үһүс оҕо төрөөтөҕүнэ ипотекаҕа көмө оҥоһуллар. Пилотнай эрэгийиэҥҥэ – Приморскай кыраайга 450 тыһ. солкуобайтан 1 мөл. солкуобайга диэри улаатыннардылар.
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…