Оҕотун өлөрө сатаабыт эр киһи 6,5 сылга көҥүлэ быһыллыа

Дьокуускай олохтооҕо уол оҕотун өлөрө сатаабытынан суут бириигэбэрэ таҕыста диэн Өрөспүүбүлүкэтээҕи борокуратуура иһитиннэрэр.

Быһылаан быйыл тохсунньу 19 күнүгэр буолбута. 39 саастаах эр киһи итирэн баран, эрдэҕэс саастаах уолун кытта этиспит, хаста да охсубут, итиэннэ быһаҕынан анньа сатаабыт.

Оҕо моонньуга охсууттан куотунаары, атаҕын бааһырдыбыт. Онтон аҕатын искэ охсон, дьиэттэн куотан тахсыбыт.

Эр киһини кытаанах эрэсиимнээх холуонньаҕа 6,5 сылга көҥүлүн быһарга бириигэбэрдээтилэр. Бириигэбэр сокуоннай күүһүгэр киирэ илик.