Оҕотун ньээҥкэҕэ хаалларан баран…

Кулун тутар 6 күнүгэр Дьокуускайга биир бөлөххө биир дьахтар икки саастаах оҕоҕо памперс көрдөөн суруйбут:

«Сэсиэттэр, ким эмит икки саастаах оҕоҕо сөптөөх памперс атыылыа дуо? Миэхэ бэҕэһээ  биир дьахтар оҕотун көрдөрө хаалларан баран, киэһээ ылыах буолбута да, баччааҥҥа диэри ийэтэ кэлэ илик». 

Бу суругу ааҕан баран, подъезд олохтоохторуттан ким эрэ сааһын ситэ илик оҕолор дьыалаларынан дьарыктанар сулууспаҕа үҥсүбүт. Сотору кэминэн ньээҥкэҕэ полицияттан эрийбиттэр. Ону кытта ийэ оҕотун ыла кэлбит. Ньээҥкэ суруйуутунан, оҕо ийэтэ арыгы испэтэх, оҕотун кэлэн ылла диэн суруйбут. Тоҕо кини уһун кэм устата оҕотун ылбатаҕа буолуой? Эмиэ дьикти…