Хаартыска: Александр Ким-Кимэн ВКонтакте страницатыттан.
Оҕунан ытыыга Арассыыйа федерациятын отчуоттуур-быыбардыыр кэмпириэнсийэтэ буолан ааспыт. Тэрээһин туһунан “Сахаада-успуорт” успуорт төрүт көрүҥнэрин ассоциациятын бэрэсидьиэнэ Александр Ким-Кимэн Вконтакте ситимигэр үллэстэр.
— Отчуоттуур дакылааты РФ оҕунан ытыыга федерациятын бэрэсидьиэнэ Владимир Николаевич Ешеев оҥордо. Мин дакылаатынан кэпсэтии быһыытынан тыл эттим уонна успуорт бу олус үчүгэй көрүҥүн киэҥник тарҕатыыга федерация таһаарыылаах үлэтин, ону тэҥэ, Олимпийскай оонньуу, аан дойду, Европа чөмпүйэнээттэрин таһымыгар үрдүк түмүгү ситиһии туһунан бэлиэтээтим, Василий Васильевич Ефимов салайааччылаах СӨ оҕунан ытыыга федерациятын үлэтин кэпсээтим.
Саха сиригэр оҕунан ытыы сайдыытын 60 сылыгар аналлаах үбүлүөйдээх тэрээһиҥҥэ Владимир Ешеев тиийэ сылдьыытын кэмигэр, былырыын ахсынньы 19 күнүгэр Ил Дархан Айсен Сергеевич Николаевы кытта көрсүһүү тэриллибитин, онно РФ уочараттаах чөмпүйэнээтин 2026 сылга Саха сиригэр ыытар туһунан сөбүлэҥ ситиһиллибитин иһитиннэрдим.
Кэмпириэнсийэҕэ оҕунан ытыыга Арассыыйа федерациятын саҥа бэрэсидьиэнинэн Зоригто Сергеевич Манханов талылынна. Оттон Владимир Николаевич Ешеев оҕунан ытыы Арассыыйатааҕы федерациятын бочуоттаах бэрэсидьиэнинэн буолла. Федерация генеральнай сэкирэтээринэн бу да сырыыга дойду араас субъектарыгар оҕунан ытыыны тарҕатыыга улахан үлэни ыыппыт уонна күрэхтэһии ахсаанын элбэтэри, ол иһигэр Арассыыйа спортсменнара норуоттар икки ардыларынааҕы таһымҥа кытталларын ситиспит Мария Сергеевна Ларькованы сүбэлээтилэр.
Кэмпириэнсийэҕэ Арассыыйа успуордун миниистирин солбуйааччы Алексей Алексеевич Морозов уонна Арассыыйатааҕы төрүт уонна олимпийскайа суох успуорт көрүҥнэрин кэмитиэтин бэрэссэдээтэлэ Борис Владимирович Гришин кытыннылар, тыл эттилэр, — диэн кини суруйар.
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…