Норуоттар икки ардыларынааҕы «Азия оҕолоро» кэмитиэт тэрийбит оонньуу выпускниктарын сойууһун бырайыагын чэрчитинэн, Туяна Дашидоржиева – Арассыыйа спордун үтүөлээх маастара уонна Розалина Кириллина – «Оҕолор Азия» V оонньууларын боруонса призера ох саанан ытыыга маастар-кылааһы ыыттылар.
“Азия оҕолоро» — бу оҕолорго саамай улахан күрэхтэһиилэр буолаллар, спортивнай карьераҕа трамплин курдук, ол иһин бу оонньууларга олус махтанабын. Элбэх оҕоҕо спортивнай карьераларыгар саҕалааһын буолар дии саныыбын. Онон өссө элбэх оҕо успуордунан дьарыктанарыгар көмөлөөх буолуоҕа», — диэн Розалина Кириллина кэпсээтэ.
Маастар-кылааска ытыынан дьарыктанар оҕолор уонна «Азия оҕолоро» оонньуулар кыттыылаахтара сырыттылар.
“Мин бу маастар-кылааһы олус сөбүлээтим, Туяна Дашидоржиева биһигини кытта уопутун үллэһиннэ, хайдах саҕалаабытын, ону тэҥэ, ситиһиилэрин туһунан кэпсээтэ. Бу миигин салгыы дьарыктанарбар, бастыҥтан бастыҥ буоларга чахчы көҕүлээтэ”, — диэн «Легион» спортивнай оскуола үөрэнээччитэ Айтал Христофоров санаатын үллэһиннэ.
“Маастар-кылаастар аан дойду биллиилээх спортсменнары кытта сибээстэһэр кыаҕы биэрэллэр, кинилэр туохха да сыаналаммат уопуттаахтар. Кинилэр бэлэмнэнии кистэлэҥнэрин эрэ буолбакка, дьарыктанар эрэсиимнэрин, тус олохторун, сынньалаҥ кэмнэрин туһалаахтык атааралларын, хотторуулары, кыайыылары хайдах тулуйалларын үллэстэллэр. Бу барыта эдэр спортсменнарга олус туһалаах. Баҕар, бары информацияны толору ылымматтара буолуо, ол гынан баран, тугу эмэ өйдүүр, ылынар буоллахтарына, ол да ситиһиилэргэ суолу арыйалларыгар көмөлөһүөҕэ”, — диэн “Азия оҕолорун” аан дойдутааҕы кэмитиэтин вице-президенэ Родион Плитухин тоһоҕолоон бэлиэтээтэ.
«Саха» Национальнай Көрдөрөр-иһитиннэрэр хампаанньа эрэдээктэрэ Альбина Тарабукина СӨ норуотун хаһаайыстыбатын үтүөлээх үлэһитэ, СӨ култууратын туйгуна,…
Амма Чапчылҕаныттан төрүттээх Андрей Мидловец 61 киилэлээхтэргэ диэри көҥүл тустууга Европатааҕы чөмпүйэнээккэ кыһыл көмүс мэтээли…
Дьиэ кэргэн, таптал уонна бэриниилээх буолуу күнүгэр эдэр ыалларга дьиэ кэргэн холумтанын бэлиэтэ буолар уоту-күөһү…
Өрөспүүбүлүкэтээҕи дьиэ кэргэн бэстибээлин чэрчитинэн ыытыллыбыт тэрээһин Арассыыйаҕа Дьиэ кэргэн, Саха сиригэр Оҕо саас сылларыгар…
Сахастат «Хотун» хамаандата Росстат Кубогын кыайда уонна Башкортостан Өрөспүүбүлүкэтигэр ыытыллар Арассыыйа Global Management Challenge стратегия…
Бу күннэргэ Саха сирин олохтоохторун барыларын үөрүүлээх сурах кууста. Арассыыйа хомуур хамаандатын тустууга Лев Павлов…