Хаартыска: sakha.gov.ru саайтан
Оҕунан ытыыга Саха сирин сүүмэрдэммит хамаандатын састаабыгар 14-15 саастаах алта уол уонна алта кыыс бааллар. Кинилэр Алдан, Сунтаар, Кэбээйи, Бүлүү, Горнай, Нерюнгри оройуоннарыттан, Дьокуускай куораттан сылдьаллар диэн СӨ Ил Дарханын уонна СӨ Бырабыыталыстыбатын дьаһалтатын пресс-сулууспата суруйар.
“Биһиги оҕолорбут 2023 сыллаахха Арассыыйаҕа бастыыр иһин күрэхтэһиигэ уһулуччу көрдөрүүлэри ситиспитэ. Хамаанданан бастыыр күрэхтэһиигэ Кристина Дрозд уонна Айыына Васильева кыайыылааҕынан тахсыбыттара. Биһиги спортсменнарбыт бары үчүгэй бэлэмнээхтэр, эрчиллиилэргэ бигэ түмүгү көрдөрөллөр. Оҕунан ытааччыларбыт дьоһуннук кыттыахтара, мэтээллэри ылыахтара диэн эрэнэбин. Саамай кырата үс спортсмеммыт тус бэйэ уонна хамаанданан күрэхтэһиилэргэ финалга киириэхтэрэ диэн суоттанабыт, — диир сүүмэрдэммит хамаанда ыстаарсай тириэньэрэ Нюргустан Федотов.
Хамаанда Алданнааҕы хайыһар ыстаансыйатыгар, Муусука үрдүкү оскуолатыгар, ону тэҥэ Бэрдьигэстээххэ Олимпийскай резервэ спортивнай оскуолатыгар эрчиллибит. Билигин спортсменнар бэлэмнэнии түмүктүүр түһүмэҕэр сылдьаллар.
“Талан ылар турнир хаста да буолбута, дьэ онно туох баар сатабылбытын барытын көрдөрбүппүт. Билигин ити түһүмэҕи этэҥҥэ ааһан, өрөспүүбүлүкэ сүүмэрдэммит хамаандатыгар киирдим. Үчүгэйдик кыттыахпыт дии саныыбын. Дьаныардаахтык бэлэмнэнэбит, настаабынньыктарбыт эрэллэрин түһэн биэрбэт туһугар кыһаллыахпыт. Оҕолорго барыларыгар бастыҥ түмүгү көрдөрөллөрүгэр, дуоһуйууну ылалларыгар баҕарабын”, — диир Нерюнгриттан сылдьар Цыцык Намсараева.
“Талан ылар түһүмэх үчүгэйдик ааспыта. Күрэхтэһиигэ кыттарга бэлэммин, ол эрээри өссө да үлэлэһэ түһэрим наада. Ыалдьааччыларбыт эрэллэрин түһэрбэт курдук туох баарбытынан кыттыахтаахпыт. Сүүмэрдэммит хамаанда чилиэттэригэр үчүгэй киирсиини көрдөрөллөрүгэр, Оонньууларга ситиһиилээхтик кытталларыгар баҕарабын”, — диир Бүлүү улууһуттан кэлбит Самсон Спиридонов.
Оҕунан ытыыга күрэхтэһиитэ Дьокуускай “Юность” стадиоҥҥа буолуоҕа.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…