Сүбэһит: оҕурсуну олордуу

Тэпилииссэни үчүгэйдик сылытан, буорун ириэрэн уонна хайаан да саҥардан баран оҕурсуну олордобут.

Оҕурсу арассаадата наһаа уһун,  улахан баҕайы буолуо суохтаах, төһөнөн кыракый, эбэтэр эдэр даҕаны, кини тэпилииссэҕэ дөбөҥнүк ылсан үүнэр. Уһатан баран олордуллубут арассаада ыарытыйар.

Хас нэдиэлэ ахсын эбии аһатабыт, аһатыах иннинэ ууну дэлэччи кутабыт. Сайын ортотуттан атын эбилигинэн аһатыахха сөп, оччоҕо күүһэ сэбирдэҕэр буолбакка, аһыгар барар.

Тойон ыҥырыанан куоппаһырар суорду партенокарпиктары кытары бииргэ олордуллубат, үүнүүлэрэ мөлтүүр. Аһын наһаа улаатыннарбакка быһан иһэр ордук. Улааппыт оҕурсу саҥа үүнээччилэртэн астарын былдьыыр.

Е.Гаврильева-Сибэкки Дуунньа,

«Үрдүк үүнүү кистэлэҥэ»,

«Айар», 2023 с.