Оҕурсуттан икки түргэн салаат

Оҕурсуттан атын бүлүүдэлэри, салааттары амсайыах санаа киирэр. Кэриэйдии салаатта оҥостон сиэҥ.

Кэриэйдии бэлэмнэммит оҕурсу

Туох ирдэнэр:

Оҕурсу – 1 киилэ,

Моркуоп – 300 кыраам,

Чеснок – 6-7 өлүү,

Саахар – 2 ост.нь.

Туус – 3 кыра нь.

Мас арыыта – 4 ост.нь.,

Уксус 9% — 2 ост. нь.

Кориандр – кыра ньуоска төбөтүгэр.

Хайдах бэлэмниибит:

Оҕурсуну сууйан баран орто кээмэйдээх гына кырбааҥ.

Моркуобу хахтаан, сууйан баран уһун синньигэс гына түөркэлээҥ.

Ыйыллыбыт оҕуруот аһын, туманы барытын иһиккэ кутуҥ, кичэйэн булкуйуҥ уонна үс чаас курдук хаппахтаан баран туруора түһүҥ.

Бу кэм устата кини уута-хаара барыта тахсыахтаах. Иһиттээх оҕуруот аһын уонча мүнүүтэ уокка тэптэрэн ылыҥ.

Оргуйан тахсаатын кытта итиилии, сууллубут бааҥкаларга кутан хаппахтааҥ. Бүттэ, салаат бэлэм.

Эттээх, оҕурсулаах салаат

Туох ирдэнэр:

Оҕурсу – 2 устуука,

Ынах этэ – 400 кыраам,

Эриэппэ луук – 1 устуука,

Кыһыл минньигэс биэрэс – 1 устуука,

Чеснок – 2 өлүү,

Кыһыл аһыы биэрэс – 1 кыра ньуоска,

Саахар – кыра ньуоска аҥаара,

Кориандр – 1 кыра ньуоска,

Уксус 5% — 2 ост.нь.,

Соевай соус – 4 ост. нь.,

Туус – кыратык,

Мас арыыта – 3 ост.нь.

Хайдах бэлэмниибит:

Оҕурсуну сууйан, сотон баран төрдүн, төбөтүн быһан ылан быраҕабыт. Сытыары тутан үс өлүүгэ араартыыбыт уонна олору туруору тутан олус синньигэһэ, чарааһа суох гына буруустуу бысталыыбыт. Иһиккэ кутан баран туус эбэн 15 мүн. курдук сытыара түһэн уутун таһаарабыт. 15 мүнүүтэ ааспытын кэннэ уутун сүөкүүбүт уонна аһыы биэрэс, кориандр, бытархай гына кырбаныллыбыт чеснок, саахар кутан булкуйабыт.

Мас арыылаах ип-итии хобордооххо уһун синньигэс гына кырбаммыт эти булкуйа-булкуйа ыһаарылыыбыт, луук, соевай соус кутабыт. Сырдьыгыныы сылдьар эппитин итиилии оҕурсу үрдүгэр кутабыт, эмиэ уһун синньигэстии быһыллыбыт минньигэс биэрэһи уонна уксуһу кутан кичэйэн булкуйабыт. Биэс мүнүүтэ туруора түһэн баран сиибит.