Хаартыска: pxhere.com/ru
Уһун кыһыннаах хотугу дойду дьоно кылгас сайыҥҥа, төһө кыалларынан, сибиэһэй оҕуруот аһын, фруктаны сииргэ талаһабыт. Киһи барыта оҕуруоттаах буолбатах, фруктаны маҕаһыынтан эрэ атыылаһабыт. Үүнээйи сибиэһэйин, туох да буортута суоҕун хайдах билэбит?
Анал үөрэхтээх исписэлиистэр дьиэтээҕи услуобуйаҕа норуот ньыматын тутуһуҥ дииллэр.
Бастакытынан, фруктаны, оҕуруот аһын ыларга тас көстүүтүн сыныйан көрүҥ. Олус улахан кээмэйдээх буоллаҕына, ол аата араас уоҕурдууну туһаммыт бэлиэлэрэ буолуон сөп диэн ыйаллар. Ону тэҥэ, барыта тэбис-тэҥ кээмэйдээх, дьүһүннээх оҕуруот аһа эмиэ сэрэхэдитиэхтээх. Айылҕаҕа барыта кырылас тэбис-тэҥ буолар кыаҕа суох диэн быһаараллар.
Иккиһинэн, сыттаан көрүҥ, кыаллар түгэнигэр амсайыҥ диэн сүбэлииллэр. Нитрата уонна пестицида элбэх түгэнигэр уута элбэх, улахан амтана уонна улахан сыта суох буолар диэн этэллэр. Оҕо эрдэххэ, Саҥа дьыллааҕы мөһөөччүккэ угуллубут биир апельсин, дьаабылака сыттара хайдах этэй, аныгы оннук сыты таһаарбат.
Үсүһүнэн, оҕуруот аһын, фруктаны ситиэхтээх кэмин иннинэ атыылаһа сатаамаҥ дииллэр. Холобур, арбуһу уонна дыняны ыам, бэс ыйдарыгар ылымаҥ.
Төрдүһүнэн, маҕаһыыҥҥа атыыланар нитраты бэрэбиэркэлиир бэлэм прибору туһаныахха сөп. Уһуктаах өттүн оҕуруот аһыгар, фруктаҕа кыратык батары анньыллар, прибор химикат төһө туһаныллыбыт бэйэтэ быһааран таһаарар. Сыаната удамыр.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…