Оҕуруот аһын хомуйаллар

Бу күннэргэ өрөспүүбүлүкэ араас көрүҥнээх хаһаайыстыбалара күһүҥҥү хомуур үлэтигэр кытталлар. Сорох улуустарга ардах мэһэйдиир дииллэр.

Ол да буоллар, аһаҕас уонна сабыылаах груҥҥа үүннэриллибит оҕуруот аһын 26,8 тыһ. туоннаны хомуйар соруктаахтар. Итинтэн балаҕан ыйын 9 күнүнээҕи туругунан, 4923 т хомуйбуттарын туһунан СӨ Тыатын хаһаайыстыбатын уонна аска-үөлгэ бэлиитикэтин министиэристибэтэ иһитиннэрэр.

Бу кэмнээҕи көрдөрүүнэн 1547 туонна хаппыыста, 468 туонна моркуоп, 457 туонна сүбүөкүлэ, 555 туонна атын оҕуруот аһа хомуллубут. Хомуур үлэтэ салҕанар. Онон бааһыналарга былдьаһыктаах күннэр тураллар.