Оҕуруот аһын үүннэрии уонна аграрнай үөрэхтээһин сайдыытын РФ сенатора Егор Борисовтыын дьүүллэстилэр

Бэҕэһээ, атырдьах ыйын 6 күнүгэр, Саха Өрөспүүбүлүкэтин Ил Түмэнигэр Аграрнай-продовольственнай бэлиитикэҕэ уонна айылҕаны туһаныыга Федерация Сэбиэтин кэмиьиэтин бэрэссэдээтэлин солбуйааччы Егор Борисовтыын көрсүһүү буолла.

Саха Өрөспүүбүлүкэтин Тыатын хаһаайыстыбатын уонна аһылык бэлиитикэтин миниистирэ Артем Александров, миниистир солбуйааччыта Сахаяна Павлова уонна өрөспүүбүлүкэтээҕи «Саха сирин оҕуруотун аһа» тыа хаһаайыстыбатын кэпэрэтиибин бэрэстэбиитэллэрэ өрөспүүбүлүкэҕэ оҕуруот аһын үүннэрии боппуруостарын дьүүллэстилэр диэн Ил Түмэн пресс-сулууспата иһитиннэрэр.

Сергей Латышев Өлүөхүмэ, Хаҥалас, Амма, Нам уонна Чурапчы улуустарын оҕуруот уонна хортуоппуй үүннэрээччилэрин пиэрмэрдэр үүнээйилэрин атыылааһын систиэмэтин көдьүүһүн уонна былааннаахтык оҥоруу бырайыагын туһунан кэпсээтэ.

Ону таһынан СӨ Үөрэх уонна билим миниистирэ Ньургуйаана Соколова кыттыылаах аграрнай үөрэхтээһин систиэмэтин сайыннарыы уонна агропромышленнай комплекска квалификациялаах каадырдары бэлэмнээһини тупсарыы боппуруостарыгар көрсүһүү буолла.