Оһоххутун, сылытар тэрилгитин кыстыкка бэлэмнээҥ

Хаар түстэ, күн-дьыл туруга биллэ тымныйда, үгүс киһи оһох кытта отунна. Сунтаарга Баһаарынай сулууспа үлэһиттэрэ Аҕам саастаахтар күннэригэр сɵп түбэһиннэрэн Ульяна, Роберт Софроновтарга кыстыкка киирэллэригэр оһохторун, конвектордары бэлэмнээтилэр.

Талбан Липпэ: «Кыстыкка киириэх иннинэ хайаан да оһоххутун кɵрүнүҥ, күлүн ыраастааҥ, турбатын кɵрүҥ«, — диирэ оруннаах.

Конвектор диэн дьиэни сылытар тэрили миэстэтин буллардыбыт да умнан кэбиһэбит, умайан быраҕыллыар диэри кɵрбɵппүт, харайбаппыт, дьиҥэ быылтан ыраастаан үйэтин уһатыахпытын сɵп эбит ээ. Бу тимир тэрилбитин арыйа баттаатахха быыла сүрдээх, онон хайаан да кɵрүнүҥ. Кэнники АДПИ баһаары сэрэтэр тэрил кɵмɵтүнэн элбэх дьиэ быыһанар. Софроновтарга АДПИ эмиэ баар, уот ситимин туруга үчүгэй. Уолаттар аҕам саастаахтарга сүбэ, кɵмɵ буолан баран, дьиэттэн тахсан иһэн: «Биһиэхэ кыһалҕанан хаһан да эрийимэҥ«, — дииллэрэ киһини толкуйдатар. Оннук ээ, бука, кыстыкка киириэх иннинэ барытын кɵрүнүɵх уонна бэрийиэх!

Тускулаана ГОРОХОВА-КОБЕЛЬЯНОВА