Салгыы
Охсуһан баран ытырсыбыт ыттары бэтэринээрдэр өрүһүйдүлэр

Охсуһан баран ытырсыбыт ыттары бэтэринээрдэр өрүһүйдүлэр

27.02.2024, 17:43
Бөлөххө киир:

Намҥа уулуссаҕа бэйдиэ сылдьар ыттар охсуспуттар. Охсуспут ыттартан биирдэстэрэ ыт тимирдээх моойторугар тииһинэн түһэн баран сатаан араарбакка иҥнэн хаалбыт.

Ол түмүгэр охсуһан баран сатаан арахсыбатах ыттарга бэтэринээр көмөтө наада буолбут. Нам улууһун бэтэринээринэй управлениетын исписэлииһэ ыттары араарарга көмөлөспүт. Охсуһуук ыттары хаһаайыттарга төннөрбүттэр уонна ыстарааптаабыттар. Бу туһунан СӨ Бэтэринээрийэҕэ департамена иһитиннэрэр.

Бэлиэтээн суруйдахха, ааспыт сыл ахсынньы 22 күнүттэн СӨ кодексатыгар административнай быраабы кэһиигэ уларыйыылар киирбиттэрэ. Билигин дьиэ кыылын көрүүгэ-истиигэ быраабыланы кэһии иһин 1000-3000 солк. тиийэ ыстараап олохтонор. Иккистээн быраабыланы кэһии таҕыстаҕына, ыстараап төлөбүрэ 3000-5000 солк. үрдүүр. Бу быраабыланы кэһии сүрүн биричиинэтэ күн бүгүнүгэр диэри ыттары бэйдиэ ыытыы буолар.

Бэтэринээрийэ департаменын хаартыскалара туһанылыннылар

+1
1
+1
0
+1
0
+1
1
+1
7
+1
1
+1
1
Бары сонуннар
Салгыы
26 мая
  • 19°C
  • Ощущается: 18°Влажность: 26% Скорость ветра: 2 м/с

Сообщить об опечатке

Текст, который будет отправлен нашим редакторам: