Хаартыска: ааптар тиксэриитэ
Биллэрин курдук, СӨ Ил Дархана Айсен Николаев уурааҕынан, быйылгыттан ыла ыам ыйын 25 күнүгэр Оһуохай күнэ олохтоммута, өрөспүүбүлүкэ бырабыыталыстыбатын дьаһалынан оһуохай салгыы сайдарыгар улахан былааҥҥа илии баттаммыта, Саха Өрөспүүбүлүкэтин бырабыыталыстыбатын бэрэссэдээтэлин солбуйааччы Сергей Местников салайааччылаах хамыыһыйа тэриллибитэ, саха Ытык оһуохайа өссө даҕаны күүскэ сайдар суолга үктэммитэ.
Салгыы ити хайысхаҕа туох үлэ ыытылларын туһунан “Оһуохай” түмсүү салайааччыта Александр Джурович Данилов-Дьулуур Хан сиһилии кэпсээтэ:
— “Оһуохай” түмсүү кыттааччылара киэҥ далааһыннаах үлэни ыыппыттарын уонна ыыта сылдьалларын түмүгүнэн, быйылгыттан Оһуохай күнэ баар буолла. Ол чэрчитинэн Дьокуускайга, улуустарга араас таһымнаах тэрээһиннэр ыытылыннылар, инникитин даҕаны былааннаналлар, саас өрөспүүбүлүкэтээҕи улахан пуорум буолан ааспыта, бырабыыталыстыба дьаһалынан Былаан ылынныбыт.
Онтон саамай сүдү суолталаах сыалбытынан-сорукпутунан Оһуохай кэнсиэпсийэтин олоххо киллэрии буолар.
Кэнсиэпсийэҕэ 2030 сылга диэри биһиги оһуохайбыт сайдарын, харыстанарын, чөлүгэр түһэрин туһугар ханнык үлэни ыытарбытын ыйан, олоххо киллэриэхтээхпит.
Ол иннинэ биһиги Сергей Степанович Семенов салайааччылаах Норуот айымньытын өрөспүүбүлүкэтээҕи дьиэтин үлэһиттэрин кытары үрдүк таһымнаах үлэни ыытыахтаахпыт, санаа атастаһыахтаахпыт.
Оһуохайбыт сайыннаҕына, биһиги, сахалар, омук быһыытынан ураты тыыннанабыт уонна духуобунай өттүнэн сайдыылаах буолабыт! Доом!
Дмитрий ОКОНЕШНИКОВ-СУЛУСХАН
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…