Ааптар түһэриитэ.
Ыам ыйын 25 күнүгэр Оһуохай күнэ олохтонон, аан бастаан бэлиэтээтибит. Онтон сиэттэрэн, ыам ыйын 27-28 күннэригэр «Оһуохай — саха норуотун этнокултуурунай баайа» диэн I Өрөспүүбүлүкэтээҕи пуорум буолан ааста.
Бу икки күнү быһа мунньахтарга, «төгүрүк остуолларга» оһуохайы сайыннарыы. киэҥник тарҕатыы туһунан кэскиллээх кэпсэтии таҕыста. Маны тэҥэ, кинигэ быыстапката, оһуохай араас көрүҥнэригэр үөрэтэр маастар-кылаастар буоллулар. Улуустартан оһуохайы этээччилэр эрэ буолбакка, учуонайдар, култуура үлэһиттэрэ көхтөөх кыттыыны ыллылар. Барыта 225 киһи кыттыбыта бэлиэтэннэ.
Өрөспүүбүлүкэҕэ оһуохайы сайыннарар үлэҕэ тэрийэр хамыыһыйа салайааччытынан вице-премьер Сергей Местников анаммыта.
— Икки күн устата пуорум олус ситиһиилээхтик үлэлээтэ. Үлэтэ түмүктэннэ уонна дьиҥнээх үлэ, дьэ, саҕаланна. Манна киирбит этиилэр олоххо киирэр кыахтаахтар. Холобур, оһуохайы оскуолаҕа эрэ буолбакка, уһуйааҥҥа, орто анал, үрдүк үөрэх тэрилтэлэригэр эмиэ киллэриэххэ сөп. Оччоҕо үүнэр көлүөнэҕэ улахан кылаат буолуо этэ.
«Оһуохай» уопсастыба биир туруорсуута — күрэстэри ыытыы эмиэ кыаллар дьыала. Төһөнөн элбэх күрэс ыытыллар да, соччонон оһуохай сайдар. Култуура министиэристибэтин кытта сүбэлэһэн баран, үрдүк таһымнаах күрэһи ыытыы үлэ былааныгар киирдэ. Күрэс биирдэ эрэ ыытыллар буолбакка, сыллата ыытылыннаҕына эрэ, көдьүүстээх буолуоҕа.
Үсүһүнэн, «дьиэбит-уоппут суох» диэн туруорсууну билэбин, ол билиҥҥитэ быһаарылла илик. Ол эрээри түмсүүгэ хайаан да дьиэ-уот баар буолуохтаах диэн соругу бэркэ өйдүүбүт. Үлэлэһиэхпит. Бу аҥаардас биир-икки күннээх тэрээһин эрэ буолбата, бэйэтэ дэкээдэ кэриэтэ буолла. Хас биирдии оскуолаҕа Бүтэһик чуораан чугдаарарыгар, оскуола ыһыахтарыгар оҕолор оһуохайдаан ойдулар. Онон бу хас да күннээх тэрээһин буолбута үчүгэй. Судаарыстыба болҕомтотугар киирбит, норуоппут култууратын биир көрүҥэ — оһуохай салгыы сайдарыгар ситимнээх үлэни ыытыахпыт дии саныыбын, — диэн кини эттэ.
Сергей Местников бу кэнниттэн киэҥ түһүлгэлээн ыытарга анаан аппаратуура ыларга сэртипикээти «Оһоухай» уопсастыба салайааччытыгар Александр Даниловка туттарда. Салгыы оһуохайы киэҥник тарҕатыыга үлүһүйэ үлэлии сылдьар этээччилэргэ бырабыыталыстыба Махтал суруктарын туттартаата.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…