Хаартыска Марта Николаева тиксэриитэ
Бүгүн, сэтинньи 9 күнүгэр, Өлүөхүмэ улууһугар аналлаах оһуохай түһүлгэтэ бэрт тэрээһиннээхтик ааста.
Куоракка олорор өлүөхүмэлэр оһуохайга аан бастаан мустан сүргэлэрэ көтөҕүлүннэ, үөрдүлэр-көттүлэр. Лоп курдук күнүс 2 чаастан арчылааһынтан саҕалаан баран, 98 саастаах Аар Дархан этээччи Егор Михайлович Осипов алгыстаах түһүлгэтигэр улахан түһүлгэ буолла. Егор Михайлович Өлүөхүмэ сирин-уотун, айылҕа маныылаабыт кэрэ миэстэлэрин уус-уран тылынан хоһуйан бар дьонун санаатын көтөхтө, үөртэ. Өҥ буоругар сир аһа үчүгэйдик үүнэрин, элбэх омук сомоҕолоһон, түмсэн биир санаанан салайтаран олороллорун хоһуйда. Биир дойдулаахтара күргүөмүнэн түмүллэн кэлбиттэригэр махтанна, үтүө тылынан алҕаата.
Кыыллаах Арыыттан төрүттээх Ким Кузьмин бар дьонун ырыанан эҕэрдэлээтэ. ХИФУ устудьуона Эрик Егоров оһуохайдаан дьонун-сэргэтин улаханнык үөртэ. Ким Нартахов өлүөхүмэлии оһуохайдаабыта болҕомтону тарта. Кини оһуохай-эһиэкэй диэн, куолаһын уларытан, кыччатан өлүөхүмэлии эттэ. Бву күн биир дойдулаахтара, суруйааччы Ородьумаан кэлэн эҕэрдэлээтэ.
Өлүөхүмэттэн төрүттээх Дьокуускай олохтоохторугар Екатерина Голиковаҕа, Ким Кузьмиҥҥа «Оһуохай» түмсүү аатыттан махтанабыт.
Марта Николаева
Хаартыскалар Марта Николаева тиксэриилэрэ
Саха сиригэр байыаннай дьайыы кыттыылаахтарын үлэҕэ киириилэрин кубуотатын элбэтиэхтэрэ. Бу туһунан СӨ Нэһилиэнньэтин дьарыктаах буолуутун…
Аллайыаха улууһун Чокуурдаах бөһүөлэгэр быйыл саҥа канализационнай-ыраастыыр ыстаансыйаны үлэҕэ киллэрэр былааннаахтар. Сууккаҕа 400 кубометр кыамталаах…
Олунньу 13 күнүгэр Саха сиригэр Төрөөбүт тыл уонна сурук-бичик күнүн бэлиэтиибит. Бу күн сахалартан бастакы…
Саха Өрөспүүбүлүкэтин Ленскэй улууһун суута олохтоох киһиэхэ буруйдуур бириигэбэри таһаарда. Кини атын баайы-дуолу туттуу иһин…
Дьокуускайга олунньу 14-15 күннэригэр "Тоҥ-Jazz'' Бүтүн Арассыыйатааҕы джазовай муусука бэстибээлэ сэттис төгүлүн ыытыллыаҕа. Бэстибээлгэ Уһук…
Чэпчэтиилээх куортамнааһын мэхэньиисимин сайыннарыы тиэмэтин Нерюнгри оройуонугар буолбут Бырабыыталыстыба отчуотугар көтөхтүлэр. Бырабыыталыстыба бэрэссэдээтэлэ Кирилл Бычков…