Хаартыска Пелагея Парникова тиксэриитэ
Саха норуотун уус-уран айымньылара үйэттэн үйэҕэ, көлүөнэттэн көлүөнэҕэ бэриллэ турарын туһугар Олоҥхо уонна Хомус дэкээдэлэрэ бэлиэтэммиттэрэ.
Уус Алдаҥҥа Бэрт Ууһугар Олоҥхо уонна Хомус дэкээдэтин чэрчитинэн сэргэх тэрээһин буолла. Тэрээһин быыстапкаттан саҕаланна.
Салгыы тэрээһиҥҥэ мустубут ыалдьыттар дьыктаан (И.Бурнашев-Тоҥ Суорун «Сылгы Уола Дыырай бухатыыр» олоҥхотуттан быһа тардыыны) суруйдулар.
Дьыктаан түмүгүнэн бастыҥтан бастыҥ суруксут аатын Неустроева Альбина Львовна ылла. Бастыҥ суруксутунан быйыл Сивцева Анна Юрьевна буолла. Үчүгэй суруксут аата Лебедева Лидия Гаврильевнаҕа бэрилиннэ.
Салгыы «БАРЫ БИИРГЭ, ОҺУОХАЙДААН ТЭЙИЭХХЭ, ОЛЛООННООН ОЛОРОН ОЛОҤХОЛУОХХА» тэрээһин үөрүүлээх аһыллыыта буолла. Арыылаах алаадьынан кэлбит ыалдьыттары айах туттубут. Норуот матыыбыгар Александра Портнягина, Кондрат Герасимов, эдэр кыргыттар ансаамбыллара ыллаан дьиэрэттилэр. Кондрат Герасимов олонноон олорон олоҥхолоон доллоһутта. Пелагея Егоровна биир дойдулаахпыт, олоҥхоһут Николай Васильевич Москвитин «Хаан Дьаргыстай» олоҥхотун билиһиннэрдэ.
Түмүккэ мустубут дьон-сэргэ илиилэриттэн ылсан оһуохайдаан тэйдилэр. Тэрээһин олус сэргэхтик ыытыллыбытыттан үөрбүттэрин биллэрдилэр, астына, дуоһуйа сынньанан тарҕастылар.
Пелагея Парникова
Хаартыскалар ааптар тиксэриилэрэ
Сэтинньи 27 күнүгэр Арчы дьиэтигэр Бүлүү улууһун "Олоҥхо" народнай ансаамбылын толорооччулара В.О.Каратаев "Модун Эр Соҕотох"…
Саха сириттэн байыастарга быйыл 129 көлө тиэрдиллибит. Мууһунан сырыы көҥүллэннэҕинэ, байыаннай дьайыы буола турар сиригэр…
Бүгүн уһуйааны үөрүүлээх быһыыга-майгыга астылар. Бу РФ Бэрэсидьиэнэ В.Путин бигэргэппит Дьокуускай куорат маастар-былаанын чэрчитинэн кэлимник…
Ааспыт сууккаҕа полиция учаастактааҕы боломуочунайдара уонна ПДН иниспиэктэрдэрэ “Бутлегер” эпэрээссийэни ыыттылар. Дьокуускайга Маяковскай, Орджоникидзе, Бестужев-Марлинскай,…
41 тыһыынчаттан тахса үөрэнээччигэ табыгастаах үөрэх эйгэтэ тэрилиннэ. Саха Сиригэр РФ Бэрэсидьиэнэ Владимир Путин сорудаҕынан…
РФ ИДьМ Дьокуускайдааҕы 3 №-дээх полиция отделыгар бааза таһыттан “КаМАЗ “ массыынаны илдьэ барбыттарын туһунан…