Хаартысканы Марта Николаева тиксэрдэ
Сыл түмүгүнэн үтүө үгэһинэн, сылын ахсын Оһуокай ыһыаҕа ыытыллар. Быйылгы Оһуокай ыһыаҕа от ыйын 12 күнүгэр пааркаҕа, Оһуокайбыт искибиэригэр ыытылынна.
Өбүгэ үгэһинэн Үрүҥ Аар Тойон баһылыктаах Аар Айыыларга, сирдээҕи үтүө иччилэргэ сүгүрүйэн Оһуокай ыһыаҕын Саха сирин Дархан этээччитэ, алгысчыт Денис Викторович Оконешников аал уоту оттон, арыылаах алаадьынан, биэ кымыһынан аһатан алҕаата. Алгысчыт үтүө тыла тиийэн күммүт сайыҥҥылыы итийэн үөртэ. Алгысчыт алгыһын кэнниттэн Саха сирин Оһуокай түмсүү бэрэссэдээтэлэ Александр Джурович Данилов-Дьулуур Хаан сыл түмүгүнэн бастыҥ этээччилэргэ махтал суругу туттарда. Кинилэр ортолоругар Дархан этээччилэр Сунтаартан Лариса Иванова, Мэҥэ Хаҥаластан Дархан этээччилэр Стас Иванов, Денис Оконешников, Виталий Никифоров о.д.а. бааллар. Саха сирин Дархан этээччитэ үрдүк ааты Намтан Алексеев Семен Петрович, үтүөлээх этээччи ааттарын Мэҥэ Хаҥаластан Дьулустаан Михайлов, Айаал Аммосов, куораттан Аграфена Герасимова, Сунтаартан Елена Тараярова о.д.а. туттулар. Саха сирин Аар Дархан этээччитэ, Ньурба улууһун культураҕа уонна духуобунаска управлениетын начальнига Розалия Тихонова, Намтан Оһуокай түмсүүтүттэн Мария Бястинова эҕэрдэ тылы эттилэр. Тохтоло суох алгыстаах оһуокай түһүлгэтин Аар Дархан этээччилэр Егор Осипов, Сэмэн Черноградскай, Розалия Тихонова, Мэҥэ Хаҥаластан Дархан этээччилэр Денис Оконешников, Стас Иванов, Үөһээ Бүлүүттэн Дархан этээччи Валентина Семенова,үтүөлээх этээччилэр Айаал Аммосов, Дьулустаан Михайлов о.д.а. алгыстаах түһүлгэни төрүттээтилэр. Оһуокай искибиэригэр алаадьы сыта тунуйда. Надежда Афанасьевна Хорунова кыыһынаан алаадьылаан, сибиэһэй алаадьынан күндүлээтилэр. Үтэһэлээх этинэн, биэ кымыһынан босхо күндүлээһин буолла. Маны таһынан сахалыы астаах буфет үлэлээтэ.
Салайааччыларбыт Александр Джурович, Александр Лаврентьевич ыһыах түһүлгэтин өбүгэ үтүө үгэһинэн кэлбит дьону ким баҕалааҕы барытын оһуокай таһааттаран, ыллатан, сахалыы аһынан күндүлээн дьон махталын ылыахтарын ыллылар. Бүлүү улууһуттан анаан-минээн кэлбит ыалдьыппыт Светлана Васильевна Винокурова Оһуокай түмсүү салайааччыларыгар үрдүк таһымнаах тэрээһини ыыппыттарыгар махтаннылар.
Марта Николаева
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…