Оһуокайдьыттар «Саха сирэ» хаһыаты биһирииллэр

Өрөспүүбүлүкэтээҕи «Оһуокай» уопсастыбаны салайар Александр Джурович Данилов — Дьулуур Хаан аҕа саастаах этээччилэригэр, кынаттарыгар мэлдьи болҕомтотун уурар.

Быйыл 2024-25 сыллааҕы хаһыакка аҕа саастаах дьонугар бэйэтин үбүгэр «Саха сирэ» хаһыакка уон киһиэхэ босхо суруттаран бэлэхтээтэ. Саамай кырдьаҕас, 96 саастаах Аар Дархан этээччибит Егор Михайлович Осипов «Саха сирэ» хаһыат хас бээтинсэ ахсын кэлэ турарын этэр. Хас да кинигэ ааптара хаһыаты барытын сирийэн ааҕарын этэр, санаатын үллэстэр. Таайбараҥы таайарын олус сөбүлүүрүн, толкуйдатар оонньуулары ордорорун бэлиэтиир. Дархан этээччи Руф Елисеевич Гаврильев хаһыаты сыл иккис аҥарыттан тутарын этэн туран, салайааччыбыт Дьулуур Хааҥҥа махтанар.

Маны тэҥэ орто саастаах этээччилэрбит эмиэ бу хаһыакка суруттарбыттарын эттилэр, санааларын үллэһиннилэр.

Марта Николаева

Хаартыска ааптар тиксэриитэ