Бүгүн «Арассыыйа — мин устуоруйам» историческай пааркаҕа Олоҥхо күнүгэр анаммыт «Саха сиригэр оҥоһуллубут» («Сделано в Якутии») диэн олохтоох оҥорон таһаарааччылар дьаарбаҥка-быыстапкаларыгар, айан уустугуттан чаҕыйбакка, Илин эҥэр улуустара көхтөөхтүк кытыннылар.
Таатта улууһуттан кэлбит Марианна Степанова быыстапкаҕа күннээтэ! Кини турар муннугар дьон элбэҕин иһин мин интервью ылаары, бэл, уочаракка туран ыллым…
«Оһуордаах Таатта» айар мастарыскыай хаһаайката санаатын маннык үллэһиннэ:
— Ойуу-дьарҕаа күннэтэ олохпутугар хайдах киириэн сөптөөҕөр анаан чинчийии үлэтин ыытабын. «Өттүк симэҕин күннэтэ кэтэр таҥаска хайдах киллэриэххэ сөбүй?» диэн толкуйунан сиэттэрэн үлэлиибин. Бэйэм худуоһунньук буолан, уруһуйдаан таһаарабын. Саха таҥаһын чинчийиинэн дьарыктанабын. «Өттүк симэҕэ» ойуу былыр таҥаска оҕуруо эбэтэр аппликация ньыматынан эрэ түһэриллэр эбит буоллаҕына, билигин биһиги производство быһыытынан таҥаска бэчээттэтэн таһаарабыт. Онтон сыыппара тиэхиньиичэскэй тэрилигэр бэчээттэтэбит. Бу ойуу түһэриллибит таҥаһа сууйуллуон, күннэтэ кэтиллиэн сөп.
… 15 тыһыынча солкуобайдаах былааччыйалар, 2500 солкуобайдаах сааллар, олох көрөн турдахпына атыыга хамаҕатык бардылар. «Дьэ, кырдьык да «Саха сиригэр оҥоһуллубут» бренд-табаар кэм ирдэбилинэн буолбут эбит!», — дии санаатым.
Онон Марианна Степанова «Саха сирэ» хаһыакка тахсыахтаах дьоруойдарым халыҥ испииһэктэригэр бэйэтин миэстэтин бигэтик булла.
Салгыы видео-устууну көрүҥ.
Ааптар хаартыскаҕа түһэриитэ уонна видеоҕа устуута.
Уочараттаах "Олоххун уларыт!" аһымал социальнай аахсыйа бүгүн, ыам ыйын 16 күнүгэр, Дьокуускай куоракка ыытыллыаҕа. Бу…
Бу күннэргэ “Туймаада ыһыаҕа-2024” национальнай бырааһынньык официальнай саайта үлэтин саҕалаата. Дьокуускай куорат дьаһалтатын пресс-сулууспата иһитиннэрбитинэн,…
Саха сиригэр Олимпиада, Паралимпиада, Сурдлимпиада уонна Үтүө Дьулуур оонньууларын чөмпүйүөннэрин уонна призердарын матырыйаалынай өттүнэн хааччыйыыга…
Як-40 зондировщик сөмөлүөт Дьокуускай куоракка ыам ыйын 15 күнүгэр, сэрэдэҕэ, Новосибирскай куораттан кэллэ. Киин аэрологическай…
Бу күннэргэ гражданскай уопсастыбаны сайыннарыыга Ил Дархан граныгар куонкуруска киирбит сайаапкалары үөрэтии түмүктэннэ. Грант ыларга…
Бүгүн, ыам ыйын 16 күнүгэр, Саха сирин синоптикара Ленскэй, Өлүөхүмэ, Сунтаар, Ньурба, Үөһээ Бүлүү, Бүлүү…