Ой нэһилиэккэ итирик туруктаах суоппар массыынанан түҥнэһиннэ

Хаҥалас улууһугар Ой нэһилиэккэ киирии айан суолун аттыгар бу сарсыарда эрдэ, бэс ыйын 4 күнүгэр, суол быһылаана таҕыста.

Биир киһи эмсэҕэлээтэ диэн  Хаҥалас улууһун Госавтоинспекцията иһитиннэрэр. Быһылаан туһунан иһитиннэрии дьуһуурунай чааска сарсыарда 05:28 чааска киирбит. «Toyota Gaia» мааркалаах масыына түнэстибитэ биллиннэ.

Барыллаан быһаарыллыбытынан, итирик туруктаах суоппар түргэн тэтимнээхтик айаннаан иһэн, массыыната түҥнэстибит. Саахал тахсыбыт кэмигэр массыынаҕа соҕотох суоппар курун баммакка олорбут, ол түмүгэр араас эчэйиини ылбыт.