Ойоҕун минньигинэн сынньан өлөрбүт Зырянка олохтооҕо көҥүлэ быһыллыаҕа

2024 сыл сэтинньитигэр Зырянка бөһүөлэккэ дьахтары өлөрбүттэрэ.

Силиэстийэ быһаарытынан, арыгыны иһэн баран кэргэнниилэр икки ардыларыгар күнүүлэһэн иирсээн тахсыбыт. Ол кэннэ эр киһи ойоҕун кырбаабыт, диэн СӨ Сууттарын  холбоһуктаах пресс- сулууспата суруйар.

Итирик туруктаах эр киһи кэргэнин илиитинэн охсубут, атаҕынан тэбиэлээбит уонна минньигинэн сынньыбыт. Түмүгэр дьахтар өлбүт.

Суут уурааҕынан эр киһи буруйдааҕынан ааҕылынна уонна 4 сылга болдьоххо көҥүлэ быһыллыаҕа. Бириигэбэр сокуоннай күүһүгэр киирэ илик.