Ойоҕун саанан ытан өлөрбүт эр киһи сууттанна

Орто Халыма улууһун Сыбаатай сэлиэнньэтин 54 саастаах олохтооҕо ойоҕун саанан ытан өлөрбүтүн иһин сууттанна.

Киһи өлүүлээх быһылаан бу сыл олунньу 19 күнүгэр тахсыбыт. Эр киһи итирик туруктаах сылдьан,  ойоҕун күнүүлээн  этиспит. Тыл-тылга киирсии ортотугар, кини «МР-161» булт харабыынын ылан, дьыбааҥҥа сытар дьахтары көхсүгэр ыппыт. Ыарахан бааһырыыттан дьахтар тута тыына быстыбыт. Оҥорбут буруйун өйдөөн, эр киһи аймахтарыгар эрийэн, тахсыбыт быһылааны кэпсээбит уонна бэйэтигэр тиийинэр санаалааҕын эппит.

Аймахтара кинини илиитигэр саанан бааһырбыт туруктаах булбуттар. Кэлин бэйэтэ ытыммыта биллибит. Биэлсэр киниэхэ бастакы көмөнү оҥорбут. Суут дакаастабыл толору хомуллубутун билинэн, эр киһини кытаанах эрэсиимнээх холуонньаҕа 8 сылга көҥүлүн быһарга уураахтаата, диэн СӨ Силиэстийэлиир кэмитиэтэ иһитиннэрэр.