Хаартыска sakha.gov.ru ылылынна
2029 сылга диэри Саха сиригэр мульткиинэлэри оҥорон таһаарыыны 10 төгүл улаатыннарары былаанныыллар.
Саха сиригэр 2023 сылга 250 мүн. анимация оҥоһуллубут. Бу Уһук Илин эрэгийиэннэригэр тахсыбыт туһааннаах контент аҥаарын кэриэтэ. Саха сирин сайдыытын корпорациятыгар иһитиннэрбиттэринэн, өрөспүүбүлүкэ креативнай индустриятын хампаанньалара 2029 сылга диэри мультипликационнай киинэлэри оҥорууну 10 төгүл улаатыннарар былааннаахтар.
Корпорация чахчытынан, билиҥҥи туругунан «Үлэ кыбаартала» креативнай кластер 116 резидениттэн анимация эйгэтинэн алта хампаанньа дьарыктанар. Маныаха кинилэр үлэлэрин сайыннаралларыгар усулуобуйаны тэрийии иитинэн, офис куортама уонна тэрили уларсыы босхо. Маны таһынан, креативнай индустриялар кластердарын резиденнэрэ дойдуга бастакынан урутаан сайдар территорияларга чэпчэтиинэн туһаныахтарын сөп.
Биллэр-көстөр анимационнай үлэлэр ортолоругар»Туундара» устуудьуйа «Тымныы оҕуһа» кылгас метражтаах 3D-мульткиинэтэ баар. Хампаанньа үлэтин саҥа саҕалаабыта диэтэххэ, номнуо анимационнай бэстибээллэр наҕараадаларын ылбыта элбэҕи этэр. «Үлэ кыбаартала» креативнай кластер олунньуга «Знай наших» Арассыыйа куонкуруһугар стратегическай кҕүлээһиннэр ааҕыныстыбаларын уонна Росконгресс пуонда ВЭБ.РФ өйөбүллэринэн тэрийбит «Информационные технологии» номинациятын кыайыылааҕынан буолбута.
Өрөспүүбүлүкэ медиалара ураты анимационнай контеннары эмиэ бэлэмнииллэр. Ол курдук, «Саха» НКИХ дублированиеҕа уонна анимацияҕа устуудьуйата бэйэтин сахалыы мультипликационнай сэрийээллэрин бэлэмниир. Бу «Тооку» уонна «Айтал уонна аптаах күүс». Быйыл 1о-нуу сиэрийэтин таһаарар былааннаахтар. «Айтал уонна аптаах күүс» мультсэрийээл «Анимур» норуоттар икки ардыларынааҕы анимация бэстибээлигэр Уһук Илиҥҥэ уон бастыҥ үлэҕэ киирбитэ.
2025 сылга Дьокуускайга үүнэр көлүөнэ пааркатын киллэрии былааннанар. Бу оҕолорго креативнай уонна предпринимательскэй дьоҕуру сайыннарыыга туһуланыахтаах. Билигин номнуо «киинэ», «анимация», «медиа» уонна «архитектура» хайысхаларынан үөрэтэр тэрээһиннэр ыытыллаллар. Ааспыт сылга уонтан тахса тыһ. оҕо үөрэммитэ.
Өрөспүүбүлүкэҕэ үүнэр көлүөнэҕэ аналлаах кэккэ куонкурустар ыытыллаллар. Ол курдук, «Муус Устар» ыччат бэстибээлин иитинэн «Дыхание Зимы» диэн мультипликатордарга уонна аниматордарга аналлаах күрэс буолар. Былырыын «Тооку» анимация эйгэтигэр өрөспүүбүлүкэтээҕи бастакы бэстибээл ыытыллыбыта. Онно 800-тэн тахса ыччат кыттыбыта бэлиэтэммитэ. Итинтэн 300 ыччат бэстибээл үөрэтэр блогар кыттыыны ылбыттарын туһунан суруллубута.
СӨ Ил Дарханын уонна Бырабыыталыстыбатын пресс-сулууспата
Мэҥэ Хаҥалас улууһугар биэс нэһилиэк олоҕор улахан суолталаах түгэн – нэһилиэк баһылыктарын быыбара – түмүктэннэ.…
Дьокуускай куорат мэрэ Евгений Григорьевы кытта суруналыыстар көрсүһүүлэригэр Эпос уонна искусство Арктикатааҕы киинин тутуллуута ити…
Өймөкөөн, Үчүгэй, Төрүт уонна Аартык бөһүөлэгэр баһылыктары быыбардаатылар. Ону тэҥэ Биир кэлим куоластааһын күнүгэр нэһилиэк…
Олохтоох бириэмэнэн оруобуна 20:00 ч. өрөспүүбүлүкэ бары 293 быыбардыыр учаастага сабылынна диэн СӨ Киин быыбардыыр…
Бүгүн Муома оройуонугар улахан суолталаах быыбар буолан ааста диэн "Биир ньыгыл Арассыыйа" бэлитиичэскэй баартыйа Саха…
Быыбар күнүн бастакы түмүктэрин хотугулуу-илиҥҥи улуустар биэрэллэр. Муома улууһун Соболоох нэһилиэгин баһылыгын быыбарыгар барыллаан ааҕыынан,…