Ойуунускай аатынан литература түмэлэ саҥа салайааччыланна

Былатыан Ойуунускай аатынан литература түмэлин Николай Лугинов отуттан тахса сыл ситиһиилээхтик салайда. Билигин  түмэл дириэктэринэн Рустам Каженкин ананна.

Бэҕэһээ, бэс ыйын 18 күнүгэр, СӨ култууратын уонна духуобунай сайдыытын миниистирэ Афанасий Ноев П.А.Ойуунускай аатынан литература түмэлигэр саҥа салайааччыны — Рустам Каженкины билиһиннэрдэ.

Николай Лугинов саҥа салайааччыга ситиһиилээх үлэни, түмэли сайыннара турарыгар баҕарда.

Рустам Каженкин Саха сирин суруйааччыларын сойууһун бырабылыанньатын бэрэссэдээтэлин солбуйааччы, саха тылын уонна литературатын учууталларын Ассоциациятын бэрэссэдээтэлин солбуйааччы, Дьокуускай куорат култуураҕа уопсастыбаннай түмсүүтүн чилиэнэ.