Судаарыстыбаннай уонна уопсастыбаннай диэйэтэл, саха литературатын төрүттээччи, бэйиэт, прозаик, драматург П.А. Слепцов-Ойуунускай быйыл төрөөбүтэ 130 сылын туолар.
Бу суолталаах үбүлүөйүнэн сибээстээн, Таатта улууһун Чөркөөх нэһилиэгин биир дойдулаахтарын түмсүүтэ дьоро киэһэни тэрийдэ. «Дьокуускай куоракка — Чөркөөх күнэ» тэрээһин чэрчитинэн Аҕа дойду Улуу сэриитин кыттыылааҕа, үлэ бэтэрээнэ Петр Толстяков аатынан норуот тыйаатырын артыыстарын толорууларыгар Былатыан Ойуунускай үбүлүөйүн көрсө туруорбут «Эн ииппит сүрэххин норуоппар биэрэбин» диэн литературнай дьүһүйүүнү көрдөрдүлэр.
Онно тыйаатырга оонньуур оҕолор оҕо куйуурдуу турарын көрдөрөн, көрөөччү биһирэбилин ыллылар.
Оттон Ойуунускай оруолун Прокопий Решетников толорон, киин куоракка олорор биир дойдулаахтарын биһирэбилин ылла.
Прокопий Витальевич олохтоох дьаһалтаҕа суоппардыыр эбит. Кини Былатыан Ойуунускай оруолун хайдах толорорун туһунан санаатын бу курдук үллэһиннэ:
Кырдьык, Ойуунускай мэтириэтин аттыгар турбутугар, мэктиэтигэр мичээрэ кытта майгынныыр курдук буолла.
Тыйаатыр режиссера Матрена Яковлева самодеятельнай артыыстар үлэлэрин кэнниттэн кэлэн тыйаатырга кытталларын холобурдаан туран, «Кэрэни көрбүт» киинэҕэ эмиэ кыттыбыттарын кэпсээтэ:
Ити курдук, Чөркөөхтөөҕү Петр Толстяков аатынан норуот тыйаатырын артыыстара суолталаах тэрээһиҥҥэ кыттан, биир дойдулаахтар көрсүһүүлэрин олус киэргэттилэр уонна дириҥ ис хоһоонноотулар.
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…
Дьокуускайга Киргизияттан төрүттээх эр киһи кыбартыыратыгар көҥүлэ суох сэттэ миграны бырапыыскалаабыт. ИДьМ Дьокуускай куорат 1-кы…
Ил Түмэн спикерэ Алексей Еремеев парламеҥҥа сэттис (уочараты таһынан) пленарнай мунньахха ыҥырар дьаһалга илии баттаата.…
Бүгүн, ыам ыйын 17 күнүгэр, Дьокуускай куорат Хатас бөһүөлэгэр олохтоох Мария Оконешникова сүүрэ сылдьан кыталыктары…
Бүтэһик сууккаҕа Дьокуускайга сааскы халаан уутун таһыма үрдүүрэ күүтүллэр. Бүгүн, ыам ыйын 17 күнүгэр, сарсыарда…
Ыам ыйын 15 күнүгэр Үөһээ Бүлүү улууһун Туобуйа нэһилиэгэр икки киһи эмсэҕэлээһиннээх быһылаан тахсыбыта. Туобуйаттан…