хаартыска: "Чолбон" сурунаал эрэдээксийэтэ.
Олоҕун бар дьонун туһугар анаабыт саха духуобунай лидерэ, уһулуччулаах судаарыстыбаннай деятель, суруйааччы, учуонай Платон Алексеевич Ойуунускай төрөөбүтэ 130 сылыгар аналлаах «Чолбон өй күрэһэ» оонньуу сэтинньи 9 күнүгэр Национальнай библиотека Историческай саалатыгар буолан ааста.
Ойуунускай сиэн балта, норуот суруйааччыта Елена Слепцова-Куорсуннаах эппитинии: «Түҥкэтэх үйэҕэ оччотооҕу ыар тутулу булгуруйбат модун санаатынан, сахалыы өһөс майгытынан, туохтан да тоһуттубат илбистээх тылынан, кыра-хара бүттүүн киһи быраабын ылынарын хорсуннук туруулаһан, норуот үйэ тухары ыраламмыт көҥүлүн, сырдыгы, сайдыыны, им балайга муммут хараҕын арыйан, батталлаах олох мууһурбут модьоҕотун тоҕо сүргэйэн, самнары баттаан турбут намыһах өһүөтүн үлтү сынньан урусхаллаан, бэйэтин сирин бас билэн олороругар олоҕун анаабыт» Былатыан Ойуунускай олоҕун уонна айар үлэтин билиигэ күрэс саха тыллаах кырдьаҕас «Чолбон» сурунаалга араас кэмҥэ тахсыбыт ыстатыйаларга олоҕурда. Бу «Чолбон өй күрэһэ» оонньууга Дьокуускай куорат тэрилтэлэрэ уонна устудьуоннар кытыннылар.
— Күрэспит кыайыылааҕын аатын Дьокуускай куорат 1-гы №-дээх орто оскуолатын учууталларын хамаандата ылла. Санатар буолахха, бу хамаанда Учуутал күнүгэр анаммыт куорат сахалыы оскуолаларын икки ардыларынааҕы оонньууга эмиэ бастаабыттара, онон иккис төгүлүн «Чолбон өй күрэһин» кыайыылааҕын аатын сүктүлэр, — диэн «Чолбон» сурунаал бас эрэдээктэрэ Гаврил Андросов кэпсээтэ.
Иккис миэстэҕэ учууталлартан биир очукуонан хаалан Национальнай библиотека ааҕааччылара таҕыстылар. Бу хамаанда төһүү күүһүнэн миэдик идэлээх дьүөгэлииллэр буоллулар, кинилэр Ойуунускай олоҕун олус үчүгэйдик билэллэринэн сөхтөрдүлэр. Үһүс миэстэни М.К. Аммосов аатынан ХИФУ РФ хотугулуу-илиҥҥи норуоттарын тылларын уонна култуураларын институтун литература салаатын устудьуоннарын хамаандата ыллылар.
Түмүккэ, нарколог быраас Наталья Гаврильевна Слепцова оҕо сылдьан оскуолаҕа хайдах курдук ылларан Ойуунускай хоһоонун үөрэппитин, улуу киһини хаайбыттарын туһунан сураҕы соһуйа ылыммытын, төһө да сыллар аасталлар айылҕа кэрэ көстүүтүн көрдөҕүнэ, туохтан эрэ олус үөрдэҕинэ өйүгэр Платон Алексеевич айымньыларын тыллара киирэн кэлэллэрин кэпсээтэ. Итиэннэ эдэр көлүөнэҕэ Былатыан Ойуунускай айар үлэтин хорутуулаахтык үөрэтэллэригэр баҕа санаатын эттэ.
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …