Ойуур баһаара: балаһыанньа хайдаҕый?

СӨ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрбитинэн, умуруоруллубут баһаар ахсаана алта5а тиийбит. 

Бу Алдан, Нерюнгри, Уус Маайа улуустарыгар уонна Дьокуускай куорат таһыгар диэн кини бэлиэтиир. Оттон салгын аалынан уонна космическай кэтээн көрүүнэн, 8 ойуур баһаарын булбуттар. Уот хаппыт уопсай иэнэ барыллаан 33,7 гектар диэн иһитиннэриигэ этиллэр.

—Үөһээ Бүлүү, Сунтаар, Горнай, Өлүөхүмэ улуустарыгар балаһыанньа уустук. Бу улуустарга баһаары умуруоруу үлэтэ күүһүрдүллэр, — диир кини. Маны таһынан, Бе-200 Сунтаар уонна Үөһээ Бүлүү улуустарыгар үлэлиэхтээҕин, Горнайга балаһыанньа уустугурбутунан, уу кутар тэриллээх Ми-8 үлэлиирэ быһаарылларын этэр.

Баһаары умуруорууга 1553 киһи, 139 тиэхиньикэ, салгын аала үлэлииллэр.

Амма, Үөһээ Бүлүү, Бүлүү, Кэбээйи, Ньурба, Өлүөхүмэ улуустарыгар 31  тыһ. гектар иэннээх сири хаппыт алта баһаар бохсуллубут.

Ойуур баһаардарын кутталлаах сезона саҕаланыаҕыттан уопсайа 829 (уот хаппыт уопсай иэнэ 2  мөл.гект.үөһээ) уот умуруоруллубут.

СӨ Ил Дарханын уонна Бырабыыталыстыбатын пресс-сулууспата