Хаартыска -- СӨ Аҕа баһылыгын уонна бырабыыталыстыбатын пресс-сулууспата.
Былаас уорганнарын ураты болҕомтолорун уурар сирдэригэр нэһилиэнньэлээх пууннартан чугас 10 ойуур баһаара баара биллэр.
Бу туһунан Бырабыыталыстыба бэрэссэдээтэлин бастакы солбуйааччы Дмитрий Садовников иһитиннэрдэ. Ол курдук, от ыйын 2 күнүнээҕи туругунан, Өлүөхүмэ оройуонугар 3, Ленскэй — 2, Алдаҥҥа, Томпо, Мииринэй, Бүлүү, Нерюнгри оройуоннарыгар биирдии ойуур баһаара бэлиэтэннэ.
«10 уон баһаартан 2-тэ умуруорулунна (Өлүөхүмэ оройуонун Куду-Күөлүгэр уонна Томпотооҕу Теплай Ключ). Үгүс баһаардар уулаах сиринэн нэһилиэнньэлээх пуунтан ыраах бааллар, ол иһин кутталы үөскэппэттэр, ”, — диэн иһитиннэрдэ Дмитрий Садовников.
Бырабыыталыстыба бэрэссэдээтэлин бастакы солбуйааччы иһитиннэрбитинэн, Өлүөхүмэ оройуонун Бэс Күөлэ нэһилиэгин аттыгар балаһыанньа уустук. Күн-дьыл туруга көҥүллээтэҕинэ, Be-200 ChS амфибия сөмөлүөтэ онно көтүөҕэ. Биир баһаар «Өлүөнэ очуостара» пааркаҕа бэлиэтэннэ. Ойуур баһаардара сүрүннээн өрөспүүбүлүкэ соҕуруу уонна соҕуруулуу-илин өттүгэр, киһи кыайан тиийбэт уонна ыраах сирдэргэ бааллар. Бүгүҥҥү туругунан, баһаары умуруорууга 1,5 тыһыынча кэриҥэ киһи үлэлиир, онтон 600-чэ баһаарынайы атын улуустартан аҕалаллар. Бөлөҕү бөҕөргөтүү салҕанар, ол иһигэр биллэриллибит федеральнай ыксаллаах быһыы-майгы чэрчитинэн эмиэ үлэ барар.
Авиация үлэтин салгыыр. Бүгүҥҥү күҥҥэ авиапатрулга 17 сөмөлүөт, оттон баһаарынай үлэҕэ 8 сөмөлүөт үлэлиир. «Полярнай авиалиниялар» авиахампаанньа Ан-26 “Атмосфера” звуковой сөмөлүөтэ Өлүөхүмэ уонна Горнай оройуоннарыгар, оттон “Авиалесоохрана” ФБУ Ан-26 “Циклон” сөмөлүөтэ Уус Маайаҕа көппүтэ.
Бүгүн, от ыйын 9 күнүгэр, күнү-дьылы кэтээн көрөөччүлэр Саха сирин үгүс улуустарыгар +35+39°С кыраадыс итии…
«Саха» Национальнай Көрдөрөр-иһитиннэрэр хампаанньа эрэдээктэрэ Альбина Тарабукина СӨ норуотун хаһаайыстыбатын үтүөлээх үлэһитэ, СӨ култууратын туйгуна,…
Амма Чапчылҕаныттан төрүттээх Андрей Мидловец 61 киилэлээхтэргэ диэри көҥүл тустууга Европатааҕы чөмпүйэнээккэ кыһыл көмүс мэтээли…
Дьиэ кэргэн, таптал уонна бэриниилээх буолуу күнүгэр эдэр ыалларга дьиэ кэргэн холумтанын бэлиэтэ буолар уоту-күөһү…
Өрөспүүбүлүкэтээҕи дьиэ кэргэн бэстибээлин чэрчитинэн ыытыллыбыт тэрээһин Арассыыйаҕа Дьиэ кэргэн, Саха сиригэр Оҕо саас сылларыгар…
Сахастат «Хотун» хамаандата Росстат Кубогын кыайда уонна Башкортостан Өрөспүүбүлүкэтигэр ыытыллар Арассыыйа Global Management Challenge стратегия…