Ойуур баһаардара: быйыл хаһааҥҥытааҕар даҕаны эрдэ бэлэм буолуу пааспарын ылбыттар

Бүгүҥҥү быһа эпииригэр өрөспүүбүлүкэ Ил Дархана Айсен Николаев РФ айылҕа харыстабылыгар миниистирэ Александр Козлов Дьокуускайга үлэлиирин туһунан эттэ.

Онон сибээстээн оройуоннар баһылыктара, өрөспүүбүлүкэ, федеральнай сулууспалар кыттыылаах сүбэ мунньах ыытыллан, ойуур баһаарыттан бэлэмнэниигэ туһаайыллыбыт. Быйыл хаһааҥҥытааҕар даҕаны бэлэм буолуу пааспарын эрдэ ылары ситиспиттэр. Быһата, 2021 сыллааҕы сайыны хатылаабат туһугар үлэ тэриллэрин аҕынна.

Ил Дархан ойууру уоттан көмүскүүргэ сиринэн уонна үөһэнэн 1200 киһи бастайааннай төрүккэ үлэлиирин эттэ. Федеральнай таһымтан уонна өрөспүүбүлүкэттэн бу үлэҕэ үгүөрү үп көрүллүбүт. Ол эрээри быйылгы сайыҥҥы күн-дьыл туруга уустук соҕус буолар чинчилээҕин сэрэттэ.

Халаан уутун тиэмэтигэр тохтууругар Айсен Сергеевич быйыл саас кыра өрүстэр кутталы үөскэтиэхтэрин сөбүн чопчулаата. Биллэн турар, халыҥ хаар түспүтэ халааҥҥа сабыдыаллыа эрээри, бары хайысхаларынан бэлэмнэннэххэ, барыта этэҥҥэ буоларыгар эрэл баар буолсу.