Ойуур баһаардарын умуруорууга күүһү эбэллэр

Абый улууһугар күн-дьыл туругуттан көрөн, Ми-8 салгын аалынан эбии аэромобильнай бөлөҕү тиэрдиэхтэрэ. 

Бу туһунан ЫБММ Саха сиринээҕи салаата иһитиннэрэр. Маны сэргэ, Өлүөхүмэҕэ баһаары умуруорууга уу кутар тэриллээх Бе-200 уонна Ми-8  бөртөлүөт  көтөллөрө былааннанар. Бу туһунан ЫБММ Саха сиринээҕи управлениетын начаалынньыга  Павел Гарин иһитиннэрэр.

Бүгүн сарсыардааҥҥы туругунан, эрэгийиэҥҥэ 170 ойуур баһаара бэлиэтэнэр (уот хаппыт уопсай иэнэ 946 тыһ. кэриҥэ гектар). Суукка устатыгар түөрт баһаар умуруоруллубут, аҕыс бохсуллубут. Уоту утары охсуһууга 1 977 киһи, 171 тиэхиньикэ үлэлээбит.