Хаартыска -- Горнай улууһун Атамай нэһилиэгин телеграм-ханаалыттан.
Горнай улууһун Атамай нэһилиэгин дьаһалтатын телеграм-ханаалын тыа сирин баһылыктарыгар холобур оҥостуохха сөп.
Ол курдук, олохтоох дьаһалта нэһилиэктэригэр, улуустарыгар эрэ буолбакка, өрөспүүбүлүкэҕэ буола турар кэрэхсэбиллээх тэрээһиннэри хаһыаттартан, тэлэбиидэнньэттэн холобурдаан, өрүү таһаара, сырдата олорор. Холобур, Горнайдааҕы Айылҕа харыстабылын инспекцията «Үлэ күүһэ» улуустааҕы хаһыакка таһаарбыт иһитиннэриитин дьонугар-сэргэтигэр сырдаппыт:
«Ойуур баһаарыгар сылдьыбыт дьоҥҥо баал эбиллиэ. Күһүҥҥү булт сезона чугаһаан кус-хаас, мас көтөрүн бултааһыҥҥа көҥүл биэриитэ саҕаланна. Быйылгыттан булт көҥүлүгэр сайабылыанньа “е-якутия” портал нөҥүө бэриллэр. Биирдиилээн дьону кытары оптуорунньук күн эрэ приемнуубут. От ыйын бүтэһик күннэригэр туйахтаах кыыллары, хагдаҥ эһэни бултааһыҥҥа сэрэбиэй ыытыллан, атырдьах ыйын 1 күнүттэн ити көрүҥнэргэ көҥүл биэриитэ саҕаланыа. Кыһыҥҥы кэмҥэ туртас аһатыытыгар, адьырҕа кыыллар ахсааннарын аччатыыга, кыыл-сүөл учуотугар үлэлэспит дьоҥҥо, Саха сирин булдун сокуонугар олоҕуран, эмиэ көҥүл биэриитэ ыытыллыа. Ону таһынан, ойуур баһаарын умуруорууга үлэлээбиттэргэ кэлэр сыллааҕы булт сезонугар туйахтаах кыыллары бултааһыҥҥа, сылдьыбыт хонуктарынан баал ааҕыллан, көҥүл бэриллиэҕэ. Санатан эттэххэ, 2021 с. Горнайга турбут улахан ойуур баһаардарын умуруорууга үлэлээбит 80-тан тахса киһи, булт көҥүлүн ылан туһаммыта. Улууспут булчуттара, күөх тыабытын баһаартан харыстыырга бары кыттыһан, күүс-көмө буолуоҕуҥ!».
Онон атын да улуустар нэһилиэктэрин баһылыктара телеграм-ханаал арынан, дьоҥҥо-сэргэҕэ сонуннарын ирэ-хоро кэпсииллэрэ буоллар. Үчүгэй холобур батыһыннарыылаах.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…