Ойуур баһаарын бохсууга 300-чэкэ «Якутлесресурс» үлэһитэ тардылынна

От ыйын 14 күнүнээҕи туругунан ойуур баһаарын бохсууга «Якутлесресурс» 297  үлэһитэ уонна 59 тиэхиньикэ үлэлиир. Кинилэр күүстэринэн 12 улууска 30 ойуур баһаарын умуруорууга үлэлэр  ыытыллаллар.

Саха сиригэр от ыйын 13 күнүнээҕи дааннайынан, ойуур баһаарын умуруорууга барыта 1 725 киһи уонна 137 тиэхиньикэ үлэлиир, ону кытта 6 салгын суудуната уонна 5 бөртөлүөт туһаныллар.

Саха сиригэр федеральнай уонна эрэгийэннээҕи таһымнаах ЫБМ эрэсиимэ салгыы үлэлиир. Муниципальнай тэриллии таһымыгар ЫБМ  6 улууска биллэриллибитэ: Үөһээ Дьааҥы, Үөһээ Бүлүү, Өлүөхүмэ, Томпо уонна Уус Маайа оройуоннарыгар.

Ил Дархан уурааҕынан бэс ыйын 26 күнүттэн Саха сиригэрр гражданнар тыаҕа тахсаллара уонна аһаҕас уоту туһанарга хааччахтар киллэриллибиттэрэ.