Ойуур баһаарын иэнэ үс төгүл аччаата

Саха сиригэр ойуур баһаардарын үс төгүл аччатыыны ааспыт сууккаҕа ситистилэр. Өскөтүн бэҕэһээ уот сиэбит иэнэ 208 тыһ. гектар буоллаҕына, бүгүн 60 тыһ. диэри аччаата.

Суукка саҕаланыытыгар 60 тыһ. гектарга ойуур 39 баһаара баар. Билигин 21 баһаары умулларалkар. 2021 сыл бу кэмигэр 96 ойуур баһаара бэлиэтэммитэ.

Билигин Алдан, Үөһээ Халыма, Дьааҥы, Муома, Өймөкөөн, Өлүөхүмэ, Орто Халыма, Томпо оройуоннарыгар үлэ ыытыллар. Дьааҥыга 1 уонна Өлүөхүмэ оройуонугар 8 баһаар бохсулунна. Умулларыыга 440 киһи уонна 8 тиэхиньикэ кыттар. Уон биир оройуоҥҥа баһаартан ураты эрэсиим олохтоммута.

Атырдьах ыйын 19 күнүгэр үрдүк кылаастаах 4 баһаар Дьааҥыга, Өймөкөөн, Мэҥэ Хаҥалас оройуоннарыгар уонна Дьокуускай куоракка, 5 кылаастаах баһаар куттала Нам оройуонугар бэлиэтэнэр.

СӨ Ил Дарханын уонна СӨ Бырабыыталыстыбатын пресс-сулууспата