Мария Васильева хаартыската, СИА.
Саха сирин үрдүнэн ойуур баһаарын умуруорууга билигин 1400 киһи үлэлиир. Мантан улахан аҥаардара федеральнай уонна эрэгийиэннээҕи Авиалесоохрана үлэһиттэрэ буолаллар. Үлэ хаамыытын уонна хайысхатын туһунан Ленскэй кулуупка ФБУ «Авиалесоохрана» начаалынньыгын эбээһинэһин толорооччу Кирилл Провины кытта кэпсэттилэр.
Билигин ойуур баһаарын утары ханна баһаар буола турарынан өрөспүүбүлүкэ бары оройуоннарын тус састааба үлэлэһэр. Маны таһынан федеральнай Авиалесоохранаттан көмөҕө 269 парашютист-десантниктар, Бурятияттан 158 бэрэстэбиитэл, ону таһынан Иркутскай уобаластан, Приморскай кыраайтан көмөҕө кэлбиттэрэ. Бүгүн эбии 130 парашютист Коми, Бурятия өрөспүүбүлүкэлэриттэн уонна Тюмень уобалаһыттан кэлбиттэрэ.
«Суһал быһыыны-майгыны бохсорго ойуур хаһаайыстыбатын систиэмэтигэр эрэгийиэн иһинэн үбү-харчыны, күүһү түмүүгэ үлэ хайысхаланар. Бу сылтан федеральнай «Авиалесоохрана» парашютист-десантниктара эрэгийиэннээҕи баһаарынай сулууспаларга суһал быһыы-майгы эрэсиимэ суох көмөлөһөр буолуохтара», — диэн быһаарар Кирилл Провин.
Билигин исписэлиистэр Сылгы Ыатарга ойуур баһаарын төһө хаалбытын бохсоллор. Маны таһынан Томпо, Ленскэй, Өлүөхүмэ оройуоннарыгар нэһилиэнньэлээх пууннартан 10 км сиргэ ойуур баһаардара бааллара бэлиэтэнэр. Эрэгийиэннээҕи ЫБММ иһитиннэрбиттэринэн, нэһилиэктэргэ кутталынан суоһаабаттар. Ойуур баһаарын бохсорго уонна салгыы тарҕамматын туһугар минерализованнай дьураалары оҥороллор.
Дьокуускайга «Абырал» санаторий баазатыгар байыаннай сулууспаҕа хантараагынан сулууспалыан баҕалаахтары Биир кэлим сүүмэрдиир пууҥҥа күүтэллэр. Хантараагынан…
"Азия оҕолоро" оонньууларын боксаҕа күрэхтэһиитигэр бүгүн Саха сирин туһатыгар икки боруонса мэтээл кэллэ. Кыргыттарга Саяна…
"Триумф" успуорт уораҕайыгар кулгаахтарынан мөлтөхтүк истэр спортсменнар туһуннулар. Сүмэрдэммит хамаанда тустууктара кыһыл, үрүҥ көмүс уонна…
Ил Дархан Айсен Николаев “Россия 24” телеханаал быһа эпииригэр ойуур баһаардарын умулларыыга ыытыллар үлэлэр тустарынан…
Өрөспүүбүлүкэ Ил Дархана умайа турар ойуур баһаарын иэнэ быһа холуйан 350 тыһ га диэн “Россия24”…
Өлүөнэ өрүс күнүгэр "Водоканал" хампаанньа үлэһиттэрэ өрүс кытылын хомуйдулар. Маннык аахсыйаны кинилэр сыл аайы ыыталлар.…