Ойуур маастардара оскуола үөрэнээччилэригэр ойуур харыстабылын туһунан

Ньурба улууһун Малдьаҕар нэһилиэгэр ойуур маастара Саргылана Назарова оскуола үөрэнээччилэригэр айылҕаны харыстыыр туһунан уруогу ыытта диэн СӨ Экологияҕа министиэристибэтэ иһитиннэрэр.

Саргылаана Афанасьевна ойуур диэн тугун, ойуур баайын хайдах туһаналларын, баһаартан куттал суох буолуутун туһунан кэпсээтэ, оҕолорго тулалыыр эйгэ, от-мас уонна ону хайдах харыстыахха сөбүн туһунан үөрэтэр мультиктары көрдөрдө уонна сэргэхситэр оонньууну ыытта.

Оҕолор интэриэһиргээн иһиттилэр, ону тэҥэ ыйытыылары биэрдилэр.

«Эдэр, үүнэн эрэр көлүөнэни төрөөбүт айылҕатын таптыырга, ойуур баайын харыстыырга, үөрэтии, иитии – бу биһиги, ойуур хаһаайыстыбатын үлэһиттэрин сүрүн сорукпут буолар», — диэн Саргылана Назарова этэр.