Хаартыска Креативнай кластертан
«Сулусчаан» дизайн-студия салайааччыта уонна «Үлэ кыбаартала» креативнай кластер резиденэ Ростислав Павлов «Ойуур оҕолоро» саҥа комиксын таһаарда.
Бырайыак, үлэ кэмигэр көннөрү идиэйэ быһыытынан саҕаланан, бастаан өрөспүүбүлүкэ бибилэтиэкэлэригэр босхо бэриллэрэ, оттон билигин – атыыга тахсар буолла. Билигин ааптар уонна хамаанда комикс салгыытын уонна 150 сирэйдээх бөдөҥ графическай романы оҥоро сылдьаллар. Бу дьоһуннаах, киэҥ хабааннаах роман ыарахан уонна дириҥ ис хоһоонноох тиэмэлэри таарыйар. Бу үлэни хамаанда быйыл түмүктүүр былааннаах.
Комикс торумун Ростислав Павлов төрүт култуураҕа интэриэһинэн салайтаран уонна 1990-с сыллар комикстарын туһунан оҕо сааһын өйдөбүлүнэн оҥорбут. Оҕо эрдэҕинэ кини комикстары сүрдээҕин ааҕар эбит, олор 90-с сылларга сэдэх буоланнар, уратытык сыаналаналлар этэ.
«Ойуур оҕолоро» комиксы оҥоруу сүрүн төрүөтүнэн былыргы саха номоҕо буолар, онно дьон урут олус кыра уҥуохтаах эбиттэр уонна сыыйа билиҥҥи кэмҥэ улааппыттар диэбит ааптар. Эстетическэй көрүүнү таһынан, Ростислав Павлов саха тылынан, өрөспүүбүлүкэ оҕолоругар тиийимтиэ буоларын курдук оҥорор сыалы туруорбута.
Ойуулары оҥорууну АГИКИ устудьуона, дизайнер-худуоһунньук кыыһынаан бииргэ оҥорбуттар. Маннык дьиэ кэргэн бииргэ үлэлээһинэ биир тыыны биэрбит уонна саха үгэһин аныгы комикс истиилин кытта дьүөрэлииргэ кыаҕы биэрбит.
Ааптар уонна кини хамаандата бэйэлэрин иннилэригэр туруорар сүрүн соруктарынан – аныгы эдэр ааҕааччыларга чугас, маннык комикс нөҥүө оҕолору төрөөбүт култуураларыгар тардыы буолар. Хамаанда маннык таһаарыы, сюжет ситимэ уонна номохторго олоҕуруута оҕолорго интэриэһинэй буолуо диэн эрэнэр.
Бырайыагы олоххо киллэриигэ СӨ инновацияҕа министиэристибэтэ, СӨ култууратын уонна духуобунай сайдыытын министиэристибэтэ, технопарка, Саха сирин сайдыытын корпорацията уонна «Үлэ кыбаартала» кыттыстылар. Кинилэр өйөбүллэринэн хамаанда комиксы таһаарда уонна тарҕатыы логистикатын оҥордо, ону таһынан бибилэтиэкэлэргэ босхо тиэрдэри хааччыйда.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…