Ойуур уотун умуруорууга 1300-тэн тахса киһи үлэлиир

Ааспыт сууккаҕа Саха сиригэр уопсайа 168,2 га иэннээх сиринэн 5 ойуур баһаара умуруоруллубут. Оттон 1 163 га иэннээх сири хаппыт 21 ойуур баһаара булуллубут.

Күн саҕаланыаҕыттан 114 ойуур баһаара (уот хаппыт уопсай иэнэ 182 597,7 га) баара бэлиэтэнэр. Ол курдук, 28 – Уус Маайаҕа, 25 – Алдан оройуонугар, 23 – Өлүөхүмэҕэ, 15 – Үөһээ Халымаҕа, 10 – Нерюнгрига, үстүү – Кэбээйи, Муома оройуоннарыгар, иккилии – Ньурбаҕа, Орто Халымаҕа, биирдии – Дьааҥыга, Уус Алдаҥҥа, Чурапчыга буолара ыйыллар.

Бэлиэтэнэринэн 149 574,7 га иэннээх сиринэн 53 ойуур баһаарын умуруорууга үлэ ыытыллар. Итинтэн 1601 га иэннээх сиринэн 4 баһаар бохсуллубут.

Ойуур уотун умуруорууга 1 367 киһи, 37 тиэхиньикэ үлэлииллэр.

Суһал ыстаап иһитиннэрбитинэн, баһаары утары охсуһуу сезона саҕаланыаҕыттан, өрөспүүбүлүкэ сиригэр-уотугар 683 ойуур баһаара (уопсай иэнэ 1,2 мөл га) бэлиэтэммит. Былырыын бу кэмҥэ 1407 ойуур баһаара (уопсай иэнэ 5,7 мөл га) бэлиэтэнэн турар.

СӨ Ил Дарханын уонна Бырабыыталыстыбатын пресс-сулууспата